Versione :
Corsu

ANTULUGIA PUESIA CORSA IN PURTUGHESE (Parte 2)

LITERATURA, LINGUA, TRADUZZIONE, PURTUGALLU    

 

    Rosa Alice BRANCO dice quant’ella hà primura di e lingue non cunnisciute in Purtugallu è quant’ella si rende attente à quelle ch’ella pò scuntrà si adurante i festivali puetichi quallà, sia i i so viaghji puetichi. Ammenta a so realzione cù lun centru chì funziona in Purtugallu cum’ellu hè urganizatu dapoi u 1983 in a Fundazione di l’Abbazia di Royaumont u sistema di a traduzzione literaria cun autori furesteri invitati. U principiu di issu travagliu posa nantu à l’invitu di unu o dui pueta furesteri invitati è vedenu inseme, traducendu inseme, ciò ch’elli anu da pudè sparte aldilà o per via di a differenza di e so lingue. RA.BRANCO porta l’attenzione nantu « l’arte di esse multiplice » cum’ella dice appughjendu si ancu in riferenza cù a nuzione pessoana di l’eterunimia. Una di e cose scuparte è cultivate hè a musicalità trà e lingue, è ne face a dimustrazione chjara.
    Hè chjamata dopu à parlà di a lingua purtughese è a ragiunata corre nantu à unità è diversità di a lingua purtughese « lingua di un picculu paese » ma « lingua maiò » s’ellu si feghja a so distesa (Angola, Muzambicu, Brasile…) è e distanze geugrafiche è naziunale chì facenu impussibule l’espurtazione diretta di i libri purtughesi in issi lochi lusofuni (costi pustali, diferenze urtugrafiche « naziunale »…)
A.DI MEGLIO li chere dinù di definisce a so pusizione trà puesia è furmazione è primura scentifica. L’uriginalità di u so percorsu schjarisce certi andati di u so estru -ùn si tratta mai di sapè scentifichi messi in versi ma di un’ochjata astuta, tennera o ironica pè u più- ver’di a cultura scentifica Rosa Alice Branco insegna a psiculugia di a percezzione, a psiculugia di l’ambiente è a cultura cuntempuranea à a Scola Superiore di Arte è Design inPorto. Hà sustenutu una tesa in Psicilugia di a Cunniscenza è si situeghja à u crucivia di parechje discipline chì interessanu issu campu cumplessu di a cunniscenza di l’omu è di ciò chì u move è li dà mente è pensà.