L’ultima parte di a cunferenza alza a riflessione à cunsiderazione generale chì dumandanu di fighjà al dilà di i prugrami è di interrugà si in quantu à l’avvene, vole si dì e finalità di l’azzione pedagogica è pulitica. Stabilitu in tutta a prima parte chì a perennità di e lingue hè una necessità è una primura maiò, l’uratore ci porta à riflette à cumu si face nasce, cumu si crea una brama di corsu è invita u cumunu sanu sanu à fà si ad ogni mumentu issa dumanda. È assicura à u publicu quant’ella hè assinnata a dumanda cun parechji paragoni atti à insignà chì una lingua propiu morta sinu ad oghje ùn si sà propiu ciò ch’ella sarà !