Stà à senti i dialoghi è ripeti...

I culori
1 : U verde hè un culore fretu.    
2 : U turchinu hè un culore fretu.    
3 : U verde è u turchinu sò culori freti.
4 : Issi culori, mi piacenu tremindui.
5 : U rossu, u giallu, i culori caldi, ùn ti piacenu micca ?
6 : Iè, ma preferiscu i culori freti.

À passighjà
1 : Quandu sarà aperta a piscina ?
2 : Dumane o dopudumane, à duie ore dopumeziornu !
3 : Và bè. Allora andaremu à passighjà.
4 : Mi cumprate qualcosa da manghjà ?
5 : Iè, una pizza, un sandwitch, una torta ? Quantu ci dai?
6 : Ùn sò quantu costa una pizza : eccu dece eurò !

A vittura
1 : Quantu costa issa vittura?    
2 : A rossa, a grisgia o a nera?
3 : Innò, questa quì : a rossa ! Ùn aghju micca da cumprà una vittura di vechji !
4 : Sicura, sicura…
5 : È quantu costa, issu mudellu ?
6 : Micca caru ! È po, vi faremu un prezzu, ùn vi ne fate!
7 : Và bè, ma quandu a puderaghju pruvà ?
8 : Subitu subitu : a femu sorte da a vitrina è andemu à fà un giru nantu à u stradone

U telefonu
1 : Telefuneghji  torna ? Sì sempre nantu à telefunu !
2 : Ma chì voli ? Mi chjamanu pè u travagliu, micca per chjachjarà.
3 : D’accordu, ma puderesti piantà à l’ora di a cullaziò!
4 : Ùn possu micca ! Mi anu da chjamà da Corti. Saria pè una casa da fà. Un grossu cantieru . A mo paca sicura per un annu sanu.
5 : Iè, ma trova u tempu di manghjà un buccone è beie un bichjere di vinu o… d’acqua!
6 : Zittu ! Avà mi chjamanu ! …. Hè u mo cliente ! Salute. Allora, avete pigliatu a vostra decisione ?... Ah ! d’accordu ! Ci vidimu dumane ! Alè, à vede ci…
7 : Allora ? Chì hà dettu u to cliente ?
8 : Hè d’accordu ! L’affare hè fattu ! Ci avemu da vede dumane in Corti !
9 : Allora, tucchemu ! À a salute!
10 : À a salute, è…  à u travagliu !