Ragiunata
L'amichi di Calvi...

Marcella : Eiu, ogni volta ch’o vengu in Calvi, aghju u laziu di stà quì.
Petru : Hè vera chì stu locu hè una maraviglia. A Balagna sana hè cusì. Tutte e so pieve sò vicine à u mare, ma appiccicate à a muntagna.
Antonu : U mo arcibabbone era pastore in Niolu. In famiglia dicenu ch’ellu passava a metà di l’annu in Falasorma in Balagna.
Letizia (burlendu) : Sarà chì venia in vacanze à piglià si qualchì bagnu !
Marcella : Senza burlà, Calvesi è Balanini sò sempre stati più marinari chè pastori.
Letizia : Spessu pensu à Cristofanu Culombu. Ùn hè partutu da quì ?
Marcella : Ùn hè micca sicura ; pare ch’ellu era genuvese.
Maria : Cunnoscu una persona in Maiorca. Li anu amparanu à a scola ch’ellu era catalanu…
Antonu : S’ellu hè cusì, perchè Culombu ùn saria micca di Sartè ?