MESSA À GHJORNU DI U 15 DI SETTEMBRE DI U 2020

STONDE DI U CCU

Mercuri u 16 di settembre à 2 ore dopumeziornu
Principianu e stonde di u CCU à u Spaziu Natale Luciani in Corti cun “E 5 SFIDE PÈ A LINGUA CORSA”
A.DI MEGLIO inizia issu ciculu cun “A SFIDA DEMUCRATICA”. 
Si tratta in issa prima stonda di analizà u modu di legitimazione di a lingua corsa, trapassendu i statuti di “patois” è “dialetti” solu suciali è discriminanti. Chì sò stati l’arnesi cuncettuali da stradicà idee pronte è leste, pregiudizii è rapresentazione aggrancate aduprate da l’auturità puru e più ricunnisciute? U spostu di A.Di Meglio amminterà a storia di u corsu rivendicatu è quella di i prugressi di a sociolinguistica corsa da l’anni 1970. Cusì puderà presentà l’arnesi da difende u corsu è tante altre lingue.


SERATA CORSA IN NOTTENSCHLUSSERL:
In Notenschlüssel u 20 d’agostu si hè fatta a serata annunziata da l’amica Brigitte RANC-ZECH è u so fratellu. Tema: Spechjata nantu à a Corsica, i so lochi è i varii prudotti di a so cultura. Cum’è prevista, hè stata una bella stonda. A pruduzzione literaria è musicale ci hà dinù ella tenutu un postu rimarcatu. Anu datu à ramintà dui passi d’issa creazione. Trà quessi u DVD InCorsu messu in anda anni fà da Brigitte RANC-ZECH, u CCU è l’UCPP.
Lampate ancu un colpu d’ochju à u prugrama d’issu DVD...


SPASSIGHJATE LITERARIE: “I BASTILICACCI IN RICERCA DI A FORZA...”:
Secondu i lochi è a ghjente, u racontu di tradizione ùn hè rara ch’ellu si facci scherzosu, satiricu o puru... “bellu scrianzatu” diceranu certi. Ma ùn andemu à scorre... i centu chì scappanu! Aprimu torna i Raconti pupulari di l’Isula di Corsica (pagine 142-144), cullezzione “Isule literarie” di ALBIANA-CCU publicati in francese da Federicu ORTOLI in u 1883 è oramai ripurtati in corsu da Dumenicu BIGHELLI.
Lighjimu è sentimu à Dumè...


SPASSIGHJATE: “CAURIA”, un itinerariu archeulogicu:
À a... muta, vi l’avemu digià presentata issa sequenza di u nostru prugramma “Spassighjate”. Sta volta quì ci vultemu è ci mettimu a lettura di issu itinerariu (in i rughjoni è a storia). Vuleriamu cusì aiutà quelli chì amparanu u corsu.
Dunque in puntellu di a nostra rubrica “Imparà u corsu” eccu duie spiicazione à bocca.


STALVATOGHJI: Il coltello scordato > U cultellu scurdatu
Ci saria da esse cuntenti, chì simu stati intesi! ... Infine, quasi intesi... Ringrazii à issu traduttore -unu solu, è chì vole stà anonimu!-...ad avè rispostu à a nostra chjama di l’ultima messa à ghjornu. Speremu ch’ellu ùn si le piglierà à male e “currezzione” fatte nantu à a so bella versione corsa di IL COLTELLO SCORDATO di Vincenzo ADRAGNA (1928-1999). 
Dunque, lighjite è sentite “U cultellu scurdatu”. È dite ciò chì vi ne pare...


Cathy CAMPANA cù i so animali:
A puetessa ci dice ciò chì accade quand’ella scumbatte... innò micca cù i soi i... versi, ma quelli di cani è gatti!
Lighjite u so scrittu è aiutate la à mette pace trà d’elli, s’ella vi pare...


LA MÉTHODE “IMPARÀ U CORSU” S’ÉLARGIT ET SE PERFECTIONNE:
Aux trois niveaux de la méthode viennent désormais s’ajouter régulièrement des documents qui permettent à chaque usager qui le souhaite de progresser dans la connaissance et la maîtrise de la langue corse. En parcourant les différentes rubriques, l’usager trouve l’occasion de progrès importants.
Les mises à jour régulières (tous les quinze jours) du site permettent en effet de s’exercer à l’expression et à la traduction. C’est une méthode d’apprentissage à distance. L’accès aux différents niveaux est entièrement libre. Vous disposez aussi d’un procédé (gratuit et anonyme) d’évaluation de vos compétences individuelles : 2981 usagers y sont inscrits à ce jour (15.09.2020).
Nous remercions très chaleureusement la Collectivité de Corse qui nous soutient et nous apporte une aide sans laquelle tous nos efforts seraient sans portée réelle.


Archivio dei diari / 25 agosto 2020 / newsletter n. 413:
Io penso, io parlo, io scrivo 
L'8 settembre è un giorno speciale e simbolico qui a Pieve Santo Stefano: un paese intero e la sua comunità si stringono intorno alle proprie tradizioni e alla propria storia, celebrando ogni anno, fin dal lontano 1631, la Madonna dei Lumi, santa protettrice di Pieve. Ma l'8 settembre è anche il giorno dell'armistizio del 1943: un vero e proprio spartiacque nella Storia del nostro Paese, cui faranno seguito anche i fatti drammatici dell'agosto 1944 quando i tedeschi in ritirata rasero al suolo Pieve Santo Stefano.
Ecco, oggi siamo qui a celebrare la memoria, proprio qui dove si tentò di cancellarla per sempre, proprio qui dove molti anni dopo sorgerà l'Archivio dei diari, vera casa comune della memoria privata del Paese, che come una fenice è rinata da quelle ceneri.