Pè andà subitu à cunsultà i ducumenti, cliccate nantu à e parolle scritte in rossu

Salute,

Sta volta,

DIZZIUNARIU

Simu felici di avè pussutu aghjunghje una parte « dizziunariu » in u metudu IMPARÀ U CORSU. Si tratta per avà solu di un vucabulariu chì ùn porghje chè l'elementi necessarii pè u studiu di e lezzione. Tuttognunu chì ci viderà sbagli o imprecisione in una o l’altra versione, ci faria tamantu piacè di insignà ci lu. Grazie à tutti.

20 ANNI CCU
L’8 di ottobre scorsu hè statu festighjatu l’anniversariu di u CCU: 20 anni. U Direttore A. DI MEGLIO, culleghi, artisti, studianti è amichi anu fattu umagiu à G.Thiers cun dui mumenti ricchi di affettu è di garbu intelettuale è artisticu: 1) Una tavula ritonda nantu à “Langues et lettres en devenir” cun participazione di D.VERDONI, Hans GOËBL (Università Salzburg), G.FIRROLONI, G.FUSINA, A. DI MEGLIO è G.THIERS. 2) “Una Serata” cun cantu, teatru è letture di testi è l’umagiu di u Presidente PM.ROMANI.

BASTIANU CORDOLEANI
Bastianu Cordoleani hè un designer di talentu. Natu in u 1978, stà in Barcelona, Ecchisi è Parigi è, da pocu tempu, ancu in Corsica, in residenza sinu à i primi mesi di u 2015. Hè ospite di a Fundazione di l’Università di Corsica chì hà vintu u cuncorsu Fabbrica Design. Diplumatu di l’ENSCI in u 2004, hà principiatu in una cellula di design pruspettivu è dopu hè intrutu in u studiu d’Andrée Putman. Dopu cullaburatu cun Franck Fontana da u 2006, in u 2010 apre u studiu sputicu soiu. U so travagliu posa trà una ricerca sperimentale fucalizata nant’à i prucedimenti di fabricazione è l’affirmazione di un dissegnu essenziale incentratu nant’à l’usu. Pocu fà hà maravigliatu tutti quelli chì l’anu vistu è intesu presentà u so prugettu in u Spaziu Natale Luciani.

IMPARÀ U CORSU... cù INTERROMANIA!
Vous voulez apprendre le corse dans l’une ou l’autre de ses deux grandes variétés (nord/sud) ? Ou les deux peut-être ? Pas de problème ! IMPARÀ U CORSU est à votre disposition sur INTERROMANIA, en accès libre et gratuit et dans ses deux versions « Corsu cismuntincu » et « Corsu pumuntincu ». On trouve également des morceaux chantés et des infos culturelles. La rubrique est régulièrement corrigée et actualisée. a méthode est très régulièrement visitée et utilisée. 597 usagers se sont inscrits au dispositif de suivi des performances individuelles, qui permet d’évaluer les besoins et progrès de chacun (en toute discrétion !). Nous avons entamé la confection d’un module n°2 qui représente un degré supérieur de l’apprentissage du corse. Nous espérons pouvoir le mettre à votre disposition au début 2015.