SPASSIGHJATA LITERARIA:

“U SILENZIU DI ZIU ANDRIA”

Scrivimu sempre davanti à u silenziu. À u mumentu propiu di u scrive, sò di a speranza quant’ellu si ne piatta ogni versu di meiu, o quanta memoria -mancu à pensà la!- si hè trova cunvucata in ogni pagina di un testu. A sò è prestu prestu mi ne scordu, stupitu di scopre chì filone di parolle aghju strappatu à u silenziu di una mina bench’ella parissi impruduttiva è periculosa di esse ne cusì fosca..

(secondu un passu di “L’escriptor i els drets lingüistícs”, da Carles Torner in a cunferenza di Barcelona)

 (Fighjà / Leghje / Sente / Ripete) .

SPASSIGHJATA LITERARIA:

“E PRIME FIABE SARDE”

E prime racolte di “ fiabe”, Patricia Satta ramenta ch’elle sò state fatte da u linguistu è spezialistu di fulcloru Pier Enea Guarnerio. Isse ondeci fole sò esciute ind’è l’«Archivio per lo studio delle Tradizioni Popolari» di Pitrè trà u 1883 è u 1884”. Si tratta di raconti di Gallura è Logudoru duv’ellu ribomba un materiale europeu: “Maria Intaulata” versione sarda di  Pelle di sumere, Cennerentula diventata quì Chisjnera, è fole di u ciculu Jach l’ammazzadraghi chjamatu in sardu Taghiaferru.

(secondu un passu di a Tesi di Laurea di Patricia Satta)

 (Fighjà / Leghje / Sente / Ripete) .

SPASSIGHJATA LITERARIA:

“SEMI DI LISTESSU DISTINU”

Duve si pò leghje à Paulu Zarzelli ? dicia a nostra cara Elena BONERANDI, chì fece tantu pè a cultura corsa. « U fiumi di a vita » hè esciutu ind’è a racolta di prose corse è sarde cun traduzzione francese è taliana, testi di a Prima Biennale di prosa Literaria Corsica-Sardegna, publicati cù u titulu VICINI da l’edizione Albiana, Aiacciu, 1998. « Culà, era a vita » hè statu publicatu ind’è SCUNFINI, testi di a Seconda Biennale di prosa literaria Corsica-Sardegna-Baleare, editati da u CCU, Corti 1999.

 (Fighjà  l'analisi di Elena Bonerandi ; ducumentu in appicciu) .

CUNCORSU DI A NUVELLA

Issu cuncorsu di a nuvella hè l’annunzia di u festivale Lire le Monde chì Alanu Di Meglio ne dice cum’ellu si face issu sviluppu chì non solu sbocca à e publicazione laureate ma offre dinù tante stonde di piacè artistichi è pupulari ingiru à Altaghjè.

(Fighjà  in a rubrica “Puesia” cù “Carles DUARTE” è dinù in Albiana è Bonanova n°44

CREATIVITÀ è TRADUZZIONE

Durante seculi è seculiu più di a ghjente pensavanu chì u corsu ùn hè micca propiu una lingua, ma solu un dialettu. Puru s’è a diglussia ùn hè micca compia, l’accessu à a scrivitura è a lettura ùn hè faciule faciule.. Tandu hè una vera campa d’accorghje si chì a pruduzzione corsa offre oramai regulare pruduzzione scritte è à bocca in lingua corsa. Issa situazione –da sviluppà tantu è più!- ùn impedisce mancu à pena a traduzzione nè u passa è veni in un plurilinguisimu chì prufitta assai à baratti è creazione culturale: Nant’à interromania hè una campa è una primura d’accoglie creazione d’issi modi.... è di sparghje le...

Oghje lighjeremu à Cathy CAMPANA è Mariella CLEMENTI :

(scritti da leghje, sente è fà ci cunnosce u vostru parè)

M.CLEMENTI : IN CAMERA (tradottu da Huis-clos di J.P.Sartre

C.CAMPANA : Amicu ci si tù... dedicatu à u soiu...

Nòvas d'Occitània 2024

Nòvas n.237 Febrier 2024

...Ritenite e date di a sedecesima edizione di u « Prix Ostana : écrire en langue maternelle » chì si farà in Ostana di Piemonte, una cità muntagnola in a valle di u Pô, una trà e dodeci valle di lingua è cultura occitane, in Italia. Ostana stà trà mezu à i monti, vicinu da u puntu maestosu di Monte Viso, ch’è no chjamemu u Rè di Petra.

Participà à isse ghjurnate di u Premiu Ostana hà da esse una cria cumu un ciuttà si in e lingue di u mondu. Ottu laureati in ottu categurie varie : literatura, musica, cinema, è l’autori ghjunghjenu da varie parte di u mondu, avendu inseme un cumunu : l’amore tamantu pè a so lingua materna...

(Fighjà  l’articulu sanu in appicciu) .