Unu trà i scrittori catalani più di nomina, era l'ultimu invitatu di u CCU pè l'annu 2001. Impegnatu da a gestione di a Generalitat di Catalunya, chì ne hè u secretariu generale, si hà pussutu fà solu un'affaccata di un ghjornu. Una prova di cunsiderazione pè u CCU è di amicizia pè a Corsica chì li ne simu propiu ricunniscenti. A ghjuria di U Premiu di u Libru corsu cù u so presidente

Maria Ghjuvanni Vinciguerra è u Presidente di l'Università Ghjacumu Arrigu Balbi l'anu accoltu in Bastia pè una serata puetica in giru à u so ultimu libru "U silenziu". Hà dinò apertu, cù Claude Hagège à l'Università in Corti a ghjurnata prugrammata da l'Associu antirazzistu Avà Basta è u CCU in u quatru di l'"Annata europea di e lingue". Interromania hà u piacè di porghje vi qualchì puema di soiu è a cunferenza fatta à issa occasione.