PUNTA ROSSU 1 
Punta Rossa marca à manu dritta l’usciu di A Bocca Tumasginesca in l’altu vallu d’Ascu. Issa cima hè sopr’à i Cascittoni, u « circulu di a sulitudine », u vechju pasaghju miticu di u famosu GR20, fattu niellu da u 2015 quandu, cù u terrenu trafalendu si, hà tombu sette ghjente chì ci si facianu una girandulata. Oghje i nostri passi ci anu da purtà ingiru à 2283 metri à l’insù. Di prima si camina sinu à l’anzianu agrottu di l’Altore chì di quessu ùn fermanu più chè poche vistiche per via di u focu chì l’hà distruttu. Ci hà da vulè à esce da u chjassu per andà in i cuntorni mineralissimi sinu ad esse sott’à l’antecima misurata à 2047 metri. 

PUNTA ROSSA 2 
Da custindi cuntinuà dumanda d’esse prudente, attente, è di attippà à pena nant’à u scogliu. E mufre ch’è no scuprimu devenu truvà ci belli sgalabati, invece elle chì si movenu à l’asgiu trà mezu à i petricaghji è e falate da mette vi u giracapu. Cù i sforzi pudemu ghjunghje sinu à a cima chì porghje un panorama variu apertu sinu à u mare. Punta Rossa pè a ghjente di custì, Pic Von Cube cum’ellu a dumandò Michel Fabrikant da fà umagiu à un altru muntagnolu di quelli, ch’hà direttu parechje spedizione è prime ascensione in Corsica à l’entre di u u XXimu seculu. Cumu spessu a tupunimia trinneca trà e denuminazione lucale è l’appellazione più muderne date da i primi  alpinisti in Corsica.

RITTRATI :

1-A via hè insignata : hè a punta luntanu luntanu quallà. Ma qual’era chì dicia chì e petre ùn sò assestate nant’à i chjassi corsi

2-Ne valia a pena, neh ? Vista nant’à a u catarone 

3-Misoghju latu à punente. Stranciacone sin’à u Corona, golfu di Calvi è in fondu, a Rivellata.

4- A zenna accugliente di Minuta

5-Tuttu hè quistione d’equilibriu

6-L’ai da sapè truvà u lavu chì si piatta nant’à issu ritrattu?

7-Hè simpaticu u prugrama televisivu

8- Via, tuttu si passava quassù, à manu dritta