VARDATU/VERDATU

(secondu: Vannina LARI et Tony FOGACCI, Dictionnaire de mythologie corse, Éditions Alain Piazzoli, Ajaccio, 2020

Un vardatu hè un locu dedicatu à i spiriti di morti o à qualchì divinità: l’animali, si dice ch’elli schisanu issi spazii custì, ed hè per via d’iss’osservazione ch’omu hà pussutu insignà issi lochi sacri. Hè scunsigliatu à a ghjente di passà ci o di piantà custindi.  I spazii sacri duv’elli ùn si volenu cansà l’animali mansi insegnanu propiu  una relazione cù u micca umanu  ch’elli si piglianu à collu l’animali . Tandu si facenu mezani mettendu intervalli trà i dui mondi. Ci sò dinù parechji raconti ch’ammentanu siti  insignati cumu sacri da l’animali, trasmettendu i mutivi d’issu interdettu  di passà o dinù  ch’ellu ci vole ad alzà ci una cappella, una chjesa o un campusantu. I vardati l’insegna a tupunimia chì porta ella stessa raconti, i finzioni, chì interpreteghjanu l’origine d’issu locu. Cristianizate o muralizatrice, isse finzioni trasmettenu sopra à tuttu a sacralità di u locu chì, per via di a permanenza di a presenza d’isse manifestazione, hè diventatu un vardatu, un locu dedicatu à e spressione di l’al dilà.