SPASSIGHJATE
Spassighjata literarie è pedagogiche
![](https://interromania.com/sites/default/files/styles/image_400xx/public/1-places_de_choix_fauteuils_a_lorchestre._1.jpg?itok=AP_IFdQS)
![](https://interromania.com/sites/default/files/styles/image_400xx/public/2-on_attend_le_lever_de_rideau.jpg?itok=RHPUiWB-)
![](https://interromania.com/sites/default/files/styles/image_400xx/public/3-et_puis_cest_spectacle_lumieres.jpg?itok=3_JVRuPv)
![](https://interromania.com/sites/default/files/styles/image_400xx/public/4-du_beau_monde_au_balcon._1.jpg?itok=Hwk8vSdL)
![](https://interromania.com/sites/default/files/styles/image_400xx/public/5-attendre_le_dernier_rappel_avant_de_descendre_a_la_frontale._1.jpg?itok=L_jplNn4)
U chjassu di Guagnerola
Accessu : Da a girata à forca di a Ferratoghja in a strada D84 à pocu pressu à 3 chilometri è mezu di a Bocca à Verghju quandu si vene d’Evisa, à mezu à a furesta di Valduniellu; Carta IGN Top 25 Corti Monte Cintu (piechi D1 è D2) o Portu 4150 (quatrumila è cintucinquanta OT (piechi C10 /C11)
Durata: 5 ore
Slivellata: 700 metri
Dificultà: ** (duie stelle)
Di prima u chjassu sequita un vechju filu di u GR 20. Da a girata và ver’di u nordueste (insegne turchine) è franca un pinetu cun vitulli. Dopu à quindeci minuti tocca u GR 20 è e so insegne rosse è bianche è po colla sin’à e mandrie d’E Radule (milettrecentu settanta metri- 40 minuti) ragirendu un’anziana murena. Si colla torna sin’à una passarella sopr’à a spiscia d’E Radule prima d’entre in a Valle di Tula. U chjassu passa nantu à a sponda diritta prima di cullà ver’di a cresta ch’ellu raghjunghje à sudu di u Capu à e Ghiarghjole, in vista di u rifugiu di I Ciottulu di i Mori. Sequità u limite di a spartera di l’acque ver’di u sudu è falà sin’à a Bocca Guagnerola (mille è ottucentu trentatrè metri; 1 833 m). U chjassu torna à u Golu è i so ciotti.