SPASSIGHJATE
(Stà à sente è po ripete)
Spassighjata literarie è pedagogiche
![](https://interromania.com/sites/default/files/styles/image_400xx/public/1-orticaghju.jpg?itok=4w9RmGFp)
![](https://interromania.com/sites/default/files/styles/image_400xx/public/2-monte_mufraghje_1712m.jpg?itok=0U-G90e1)
![](https://interromania.com/sites/default/files/styles/image_400xx/public/3-monte_pianu_maio_davanti_e_cun_daretu_a_sarra_centrale.jpg?itok=0-glwOnQ)
A Punta à a Vetta hè una cima di muntagna alta duiemila duiecentu cinquantacinque (2255) metri è face parte di l’inseme massicciu di u Monte Renosu duiemila trecentu cinquantadui (2532) metri. U Renosu hè u terzu di i quattru più alti massicci di Corsica chì sò Cintu, Retondu, Renosu è Alcudina. U Renosu hè situatu in u centru-sudu di a Corsica, trà Aiacciu ed Aleria. I so limiti à nordu è à ueste sò e valle di U Taravu è A Gravona. Si face chì U Renosu hè a separazione naturale trà Cismonte è Pumonti nantu à una parte di a Sarra centrale distesa trà e foce di Vizzavona è di Verde.
E Caldane sò una sarra di muntagna media chì si stende nant’à una decina di chilometri da u nordueste ver’di u sudeste. Issa sarra nant’à a so parte alta t’hà un’infilarata di puntali pocu marcati alti à pocu pressu 1700 metri da nordu à sudu: u Monte Mufraghje (1712 m), a Cima di Callerucciu(1731 m), a Punta di E Caldane (1724m duv’ella ci hè a croce sumitale è po a Punta Ventosa chì face1686 metri.
Dopu lettu, state à sente u sonu…