Tëmp dl aspité

Te ies sciche l’ ëura che và,
plan cun var de gial,
zënza se fermé, nianca se autan ntëur.
Sul ëurijont muet
che smarësc
bel plan.
Ilo ulache
chëla nibla toma
sul crëp brujà desnut svradù ju
sciche i sasc dl Carst.
Ne te aspietes nia, te ne pertëndes nia
che ti cë
da rejina
se dënie de ti cialé ala sciables.
Dovia,
l nia che ne plesc nia,
che ne vënc nia, che ne cunvënc nia.
Sëul
dlà dal ëurijont
mo plu dlà, do la chëutra
de nibles nia mo tumedes
ie l travert dejidrà,
l comet linëus
che ne te posses nia arjonjer.