Cras sunt trint'annos

Tue fist una giovanedda e eo unu giovaneddu
Donzi tantu naraias : Ajò, daemi unu 'asigheddu
E eo t'abbrazzaia, mamma mia, forte cun disizu
Comente solu ìschit faghere unu fizu cun sa mama
Eo podia andare a m'appentare unu pagu cun s'asciuttapannos
Suspesu a sa cadena a faghere sa banzigaredda

Oppuru boltulare ponzende sutta a subra
Totu cantu su chi in familia si manizat
Ti intendia giamare... fatendemi de manos, pustis dae su lettu
Eo benia a ti narrere: Mamma mia, ite ch'est inoghe ? Cun teneresa
Tue faghias unu carignu a sos pilos mios brundos
Comente a podere ischire chi de sos minutos tuos computados
Comente a podere ischire, chi a sa janna iscanzada, pustis
Sufferenzias e peleas, t'aspettaiat sa morte ?

Tue fisi una giovanedda e eo unu giovaneddu
Donzi tantu naraias : Ajò, daemi unu 'asigheddu

Babbu no bi fit inie, fit fora fattu a sa roba
Sa ventana fit aberta e dae s'oru 'e su riu
Beniat unu tintinnu de campanedda lìmpia
Una tia fit inie chi si mujaiat fainende
Proponiat abba tuccherada, sciroppos, tisanas...
Tue abbaidaias su sole e sas chimas de sos montes
Suspirende mi naraias: In sa piatta 'e iscola
T'aisettat sorre tua, tue non la lasses sola,
Curre a l'incontrare, innoghe tia si l'hat a isbrogliare,
Bois, a tempus, istasero hazis a pigare cun babbu bostru...
Fit su mese 'e lampadas, fit festa, fit Pasca de s'Ispiritu Santu
Cras sunt trint'annos:
tue cheres chi eo ti siga ?

Tue fist una giovanedda e eo unu giovaneddu
Donzi tantu naraias : Ajò, daemi unu 'asigheddu