Versione :
Corsu

UN PAESE CUM'E L'ALTRI

Un scrittu di Antone Casanova

A matina di u 23 di Marzu di l’annu passatu, in u centru di a cità d’Aiacciu, u frombu è u rimore avianu svegliatu i citadini di bon ‘ora !
I colpi chì risunavanu, cullavanu di u poghju di u ‘’Diamant’’ bè cunnisciutu da ognunu.
Versu nov’ore di mane una cinquantina di colpi di pistola, fucilu è di mitraglietta sò stati sciaccati d’una vitura viaghjendu versu u corsu Napuliò.
À st’ora era pienu à ghjenti in ogni locu, tuttu u mondu avia bè vistu a vitura affaccà cù trè parsoni in drentu, mascarati è cù armi.
Avianu tiratu versu à a terrazza di u ’’ caffè di i sport’’ in bordu di strada, induva c’eranu dui omi in trendu di bia (=chi biianu/in traccia di bia) un colpu nanzu di sparisce à mezu à i vituri di i parsoni chì à st’ora andavanu à travaglià.

I dui tinti di u caffè sò quant’à elli stati tombi senza pudè risponda à st’assaltu.
Tochi tramindui di massi balli, i so assassini ùn avianu lasciatu nisuna cilica nè à l’unu nè à l’altru.

Deci minuti dopu eccu chì affacca l’inchiestadore di rinomu(/nomina) mundiale, a fiminella di dui centu chilò Lidie Hot, iè era una Americana ! Era ella issa bionda, a capimachja di st’inchiesta è ghjè sempri ella chì supraneghja tutti l’inchiesti d’umicidiu in Corsica.
Ùn avia ancora riisciuta à risolve un’affare criminali, ma pà quelli chì almanaccheghjanu è chì supraneghjanu ciò chì si passa in Corsica, avianu decisu ch’ella era ella stessa a più forta in issu duminiu.

Forza sta matina tragica a ghjente pà issi lochi sò stati più stumacati pà a so manera di vestiscesi cà di tuttu issu sangue è dà issi dui cadaveri :
Avia da capu à pedi un cappellu giallu imensu, una vesta più cà longa chì trascinava in terra cù tavoni à buzeffa di culori neru, cù una sciarpa longa quant’è i primi treni americani, un paghju di scarpi famite rossi vechji più cà l’antecristu.
Si pudia veda i so capellacci grassi è longhi, più zeppi cà una tanchiccia in i calanesi.
Era à pena più alta cà un cane Corsu è bè più larga cà i più grassi vacchi Corsi.
Eccu cum’ella era u nostru inchiestadore, quellu solu chì era incaricatu di fà viaghjà u bracciu di a ghjustizia.

Ùn era ancora ghjunta in terrazza di u caffè cà i primi interpelazione eranu dighjà fatti, iè era cusì ch’ella facia, avia cumandatu à i pulizzeri di piglià guasgi tuttu à ghjente (tutta a ghjente ?) chì passava.
U bilanciu era statu bonu par ella, avianu presu novi zitelli chì andavanu à a scola, una quindicina di donni ghjovani o vechji è solu un omu chì tuccaia a centina è ch’ùn aviu avutu a forza di fughja… Tutti sò (eranu ?) cunsiderati cum’è culpavule putenziali.
Quelli corci sò stati subitu subitu incarcerati par essa intarucati di manera crudela, à colpi d’annuariu telefonicu.

Quandu i ghjurnalisti intarucavani issa gattiva americana nantu à issi maneri di fà, rispundia sempri chì a pulizza ùn si pudia parmetta d’ùn spluttà una pista.
Torna dinò un bellu bilanciu di issi interpelazioni, unu di l’assassini era statu presu, iè un zitellu di sei anni avia, sottu a minaccia di veda babbu natale imprighjunatu par centu anni, ricunnisciutu i fatti chì pisavanu contra ellu.

Quant’è à u vechju tintu u so core ùn avia tinutu u colpu è si n’era andatu mentre cà dui pulizzeri u sulizicaianu sottu à i pedi cù una piuma di fasgianu. I donni nimu ùn à sà, nimu ùn l’hà mai più visti.

U lindumani in a stampa righjunala si pudia leghja : u prifettu di Corsica ‘’Charles Henry Teubey’’ filiciteghja l’inchiestatrice ‘’Lidie Hot’’ è u so serviziu pà a radicalisazione di a lotta cuntr’à i criminali è pà a so efficacità.
Torna dinò u merre di à cità d’Aiacciu ringraziava issa banda di gnoccari pà u prugressu di a criminalità in a Corsica sana.

Eccu l’inchiesta cuntinuava chì mancavanu sempri dui assassini nantu’à trè.
A nostra Lidie dopu à avè passatu parechji mesi à fà perchisizione à dritta è à manca, fidendu si solu à u so istintu pà scegli i porti à zaffarà ,avia dicesu di cappià u zitellu imprighjunatu in galera in u fondu di e culunie francese è di suvità lu pà truvà tutti quelli di cumbriccula cun elli.

Trè simani dopu, iè ci voli assai tempu par turnà di e culunie, u zitellu si pudia pruminà in i carrughji aiaccini cum’è nanzu, o guasgi… .
Era survigliatu è suvitatu pà cinquanta sbirri di Lidie chì arristavanu tutti quelli, par issi lochi, chì salutavanu u poveru zitellu.
Si sò tutti ritruvatti in esami in i ghjendarmeria è posti di pulizia.
Eccu avà cà l’inchiestatrice avia trovu una vintina d’assassini, avianu tutti ricunisciuttu l’accusazione pà tale o tale raghjone.

Sò stati tutti mandati in galera troppu luntanu di a Corsica è accadi bella suventu cusì… ma anc’assai cum’è sempri ci sò altri assassini pà risolve l’assassiniu di nanzu.
Arimani trè omi sò stati trovi in u boscu chì supraneghja a cità, tuttu u mondu sapia ch’elli eranu stati tombi par avè tombu i dui omi in terazza di u caffè, a machja di i Milelli piattava issi trè cadaveri è sò stati trovi pà a nostra americana chì facia un pocu d’eserciziu fisicu versu cullà.

I nostri dipurtati elli chì eranu ben intesu nucenti sò stati sculpati è rimpatriati in lochi soii, è ghjè cusì ch’elli si passanu guasgi sempri l’inchiesti in Corsica induva a ghjustizia hè resa pà i criminali !

Ùn ferma più avà à a nostra inchiestatrice ch’à truvà l’assassini di l’assassini…