BALEARE: I PUETI INVITATI SCONTRANU I ZITELLI DI E SCOLE

In a corte di a scola, a puesia

Durante e sessione di u Festivale di a Puesia Mediterranea in Palma, hè statu urganizatu un bellu scontru trà i pueti di varii lochi è varie lingue. Anu barattatu e so letture cun quelle di i zitelli di e scole. Esistenu quallà prugrami interessantissimi è propiu pruduttivi pè i più giovani in modu à sviluppà gustu è capacità pè a spressione puetica. Una bella riescita educativa è linguistica, cumpresu pè e forme tradiziunale, qualcosa da ramintà un chjama è rispondi... ma fattu da i zitelli! Parenu fole, parenu...