U SARTINESI

scuprendu u rughjone di Sartè cù a 4a tecnulugia è i so maestri

Scontri di 13.10.2012


ANDENDU PÈ U SARTINESI


Ci anu buscu un bellissimu quaternu chì era distinatu à firmà si in a scola duv’ellu fù rializatu in riassuntu di un bellissimu sforzu pedagogicu in Sartè. Durante un prugrama di studiu è di scola-cantieru prufessori è sculari si sò dati à scopre, à scavà è à studià un rughjone, un territoriu, una storia materiale, immateriale è viva sinu à i so prulugamenti più attuali.
Allora, à noi ci hè piaciutu di sfuglittà issi quaterni cun primura è piacè.
Cum’è no ùn simu tantu assestati, ci avemu messu una cria di disordine, ma passione assai di più chè pagaglia !
È po, à a prossima messa à ghjornu, tuttu sarà bellu assestatu !

 

Ah ! una cosa chì saria bunissima hè chì qualchidunu di issi lochi sartinesi mettissi u testu in a variante corsa di custindi è mandà ci la à asso.ccu@wanadoo.fr
Saria una campa… saria