Muraglia di China nustrale, ver'di u monte Cervellu
Scuperta di u rughjone di i Dui Sevi pè un percorsu chì porta à u Monte Cervellu. Nantu à u chjassu, una fruntiera fatta da l’omu sparta nantu à circa 1000 metri
Da ghjunghje in cima à u Monte Cervellu, chì u puntu più altu hè 1624 metri è chì in fatti hè nantu a cumuna di Salice, vicinu vicinu, ci vole à andà in Rusazia, duv’ellu ci hè u puntu da parte pè issa passighjata spurtiva.
A strada da Veru à Rusazia hè splendida. A prima cullata atteppa assai, ma à l’ombra chì si avanza sottu à un’arburatura di pini magnifichi. Una sallita chì offre belli punti di vista nantu à u Cruzini.