SCONTRU CULTURALE IN CAFFÈ CÙ NORBERT PAGANELLI
Attelli
Scontri di 30.04.2023![](https://interromania.com/sites/default/files/styles/image_400xx/public/n.paganelli.jpg?itok=Qs4blPsd)
Ind'i scontri culturali
O quantu belli rigali
D'invitati generosi
Di u corsu premurosi
Accettanu d'offre l'ore
À la lingua di u core
Oghje ci hè
un menestrellu
Paganelli, un ghjuvellu
Chì vene à mette in scena
Cum'è canti di sirena
A so bella poesia
Ind'u Centru di Bastia
Di Tunisia scalatu
È in Sartè alevatu
Senterete à lu s'accentu
Quant'ellu ne hè cuntentu
Fieru di la so cuntrata
Da sempre l'hà celebrata
U nostru intellettuale
Spiritosu è cerebrale
Giovanottu rimarcatu
À i premii abituatu
Hè stat'ancu formatore
Li ne ferma u fervore
Norbert omu talentatu
Fattiu è impegnatu
Passiunatu di cultura
Amante di la scrittura
Sia in corsu o francese
U mondu hè u so paese
I so scritti apprezziati
Parenu esse fatati
Ci mette assai ironia
Ma dinò melancolia
Musa campa à lu so latu
Da mamma l'hà allattatu
L'amatori publicati
Dopu cuncorsi creati
Ellu di gradu dottore
Si sà fà animatore
Oramai ricunnisciutu
Sempre prontu per l'aiutu
Mi piace stu Paganelli
Face ride i sportelli
Al dilà d'isse risate
Sò tant'opere stampate
È cumposte cū sapienza
Ghjovanu di riferenza
Norbert hè u m'amicone
Li portu tant'affezzione
Nati in listessa annata
O la belluccia covada
Cum'è mè intelligente
Soca ghjè u mo parente.
Cathy Campana