Hè principiata A FESTA DI A LINGUA
Attelli
Scontri di 15.10.2021
A stonda chì l’Associu Corsu di l’IITM hà portu, grazie à l’uspitalità di L’ALB’ORU di Bastia era stata cum’è sempre preparata in parechji mumenti: Bastia, Corti, Furiani, Castagniccia è lochi circumvicini. A chjama è i cuntatti gestiti è cuurdinati da l’Associu anu datu sudisfazzione assai. A qualità è a variatezza di l’interventi sò stati dinù appughjati, crisciuti è allargati da a celebrazione pocu fà di A FESTA DI E LINGUE EURUPEE.
Sequità u filu d’issu prugrama preparatu cù L’Alb’oru a so direzzione è u so persunale, presentatu è animatu da Patrizia GATTACECA ci hà messu in viaghju à tutti, participanti artisti è creatori. I spettatori dinù sò stati imbarcati trà lingue, paesi è culture...
Hè cusì si hè pussutu gode u piacè tamantu di vede sente è sequità i varii mumenti preparati o pruposti sopr’à locu da:
Cantata da Rosela Libertad.
Cantatu da Rosela Libertad è Stéphane Casalta
Cantata da u gruppu EPPO.
Situ : www.eppomusica.com
Leia Youtube: https://youtu.be/st3cDY-4LI8
Serendipità Scrittu da Emilia Pardini di l’attellu di puesia direttu da Patrizia.
A cinta/ strattu da u dischettu CARMINI
La ceinture di Paul Valery
Tradutta da Ghjacumu, cantata da Patrizia Gattaceca.
Situ : http://www.patriziagattaceca.com
La ceinture (Paul Valery)
Fola cuntata da Cathy Campana.
Puema di Nathalie Laidi, Di l’attellu di puesia di Patrizia.
Sweet Ciucciarella Cantata da Fabienne Marcangeli
Teaser youtube : https://youtu.be/wxvwzugDOnI
Noi cum’è tutti, hè capita ch’è no manghjavamu manfare... Noi? Un’azzione è un associu cum’è u nostru. Hè un bellu pezzu ch’è no simu indiati in issa direzzione. Basterà à fighjà in e rubriche allistinate nant’à a prima pagina di u situ INTERROMANIA è, s’è vo circate una creazione, un fattu o un autore particulare, lancià a ricerca in a rubrica “Accolta”.
Si trovanu custindi i riporti, ducumenti è creazione mediterranee larghe è di qualità, per indettu L’Argonauti 2000 o i viaghji di u Bateau de la Paix, ma dinù tante creazione in E Baleare, Sardegna, Sicilia è Tuscana, pèerstà in u Mediterraneu di l’isule occidentale... Un locu ristrettu? Mancu à pena s’omu sente à Predrag Matvejević o più inlà, quandu si feghjanu è sentenu e voce di e lingue neolatine cum’è unepoche ch’è no avemu intesu spampanà stu ghjornu di piacè, creazione è apertura di A FESTA DI A LINGUA.
D’altronde parechje intervenzione anu messu in rilievu u scopu plurilinguu duv’è no ci situemu da a creazione di l’IITM è duv’ella piglia postu è vita da sempre a vita di a lingua è di a cultura di Corsica. A senterete è viderete dinù fighjendu i filmetti chjappi in videò. À tempu à u garbu di e presentazione, prese di parolla, cumenti, canti è raconti tanti fatti ammintavanu unu o l’altru acchisu di e creazione è cuntatti di l’anni passati, di quelli ch’è no bramemu di pudè fà o di quelli chì sò d’avà avà.