Ghjacumu THIERS presenta Quandu sò spenti i lumi, u rumanzu di a cullezzione Calamaii fruttu di a cuuperazione mediterranea trà Catalogna, Corsica, Sardegna. Hè u fruttu di un attellu di creazione internaziunale chì unisce visione è fondi culturali vicini è sfarenti à tempu. L’autore Antonio CORSARCATA dà nome è cuncretizazione à un travagliu chì hè sempre statu una primura di u CCU è hà prudotti parechje realizazione da l’anni 1990 cù a Biennale di nuvelle (Baleare, Corsica, Sardegna, Sicilia) sinu à u prugrama Medi Terra è i trè rumanzi di Catalogna, Corsica è Sardegna, publicati tutti è trè in e lingue cuncernate (catalanu, corsu, sardu).