Bastia Batticori
Attività altre
Ùn ci hè bisognu à dì tutti i mo batticori
Unu à unu lampati à pressu à u to sguardu.
Un antru ghjornu hè natu, pisatu d'a to voce
Chì sveglia i ricordi vissuti tempi fà.
A Piazza era bianca è tù ci sì passata...
A palma di u sole ùn vulia stancià
Un surrisu si hè fattu à l'arice d'un sonniu.
Hè principiatu tandu l'arcu d'i nostri ghjorni.
A cullana di l'anni ùn ci hà mutatu nunda:
À passi più sappiuti u chjassu hè più frollu.
Duv'è no simu andati ùn la dì mai à nimu,
Qualchì celu ghjelosu ci purria annuchjà.
Cum'hè ch'u sole ciotta malgradu u nostru amore?
U lume sarà tontu chì avvampa e to labre, cum’è hè?
U lume serà tontu cum’hè?
Ghacumu Thiers.