Rammentà a so luntana trasparenza
sinu ad u cantu pruibitu di u so nomi.
Fà nascia ind'è a mimoria ogni persu affannu
ogni brama sigreta di ritena a notti.
A notti primatura
quand'è si apri u pettu è si inguazza
ind'è i linzola bioti di a so ombra.
Ogni scunsulu trà l'ugni
cerca a so bocca. Quand'è a maghjina
si senti tutta d'arghjentu vivu, sin sapè lu
accarizzà a fattoghja di a so assenza.
(Ci ferma solu un umili pichjimu
firendu a sera ed u so silenziu.)