A dumenica à mane in Bastia

 

U più bellu momentu di a settimana in Bastia hè per mè a dumenica mattina.

S'ellu ùn piove micca, ci hè stu momentu beatu di spassighjata è di scontru nant'à a Piazza Santu Nicolau.

Ogni dumenicai bastiacci è ancu quelli venuti d'altro, s'avvianu versu ciò chi u francese chjama e puces.

Pucci ? un ci n'hè micca veritamente, ? in tutti casi à speremu, ma ci hè robba à vende da e piu belle à a più schivosa.

Chì cumercenti ci hè nant'à sta piazza?

Ci sò i cumercenti ma dinò picculi ritirati o tuttu quellu chi si volenu fà qualchi soldu.

Aghju rimarcatu quantuque chi sò sempre i listessi.Un hè micca ciò chì si dice in u regulamentu ma, à sapimu chì in corsica e legge sò fatte per esse sviate.

U spiritu di e puce hè di vende u sopra più casanu .

Invece ne vecu chì,sia compranu per rivende, sia viotanu e case di rigalu è ne facenu prufità.

È cusì chì i connoscu ch'anu compru mobili venuti da francia cuntinentale,cume s'elli eranu corsi,avà so diventati corsi cume a ghjente chi piglia u nostru spiritu.

Ci hè robba nova assai ma chì vulite fà, ognunu s'aiuta cum'elle pò.

U fondu di a piazza hè u duminiu di i cumercianti d'anticaglie, quessi venenu da Corti o di piu vicinu.

Vendenu belle cose un pocu care, e feghju ma oramai ùn ne compru piu. Aghju in casa meia un cumerciu sanu.

A piazza santu Nicolau hè tutta ricuperta di « stands. » I piu furtunati à l'ombra é l'altri cocenu l'estate in piena calmana da l'altra parte.

Stu mercatu ha e so regule assai severe. Si vede quelli incaricati d'incascià e di fà l'ordine girà tutta a santa matinnata.

Un tempu fà un si pudia vende panni ne scarpi chì nucia a i cumercianti bastiacci

Avà ci sò i ghjorni di sti panni o sti scarpi induve si pò omu veste guasi di rigalu.

Aspessu u spettaculu « hè in a salla », vale a di chi l'attori sò quelli chì facenu u coll'è falla da u fondu di a piazza sin'a u marcà.

Ogni dumenica , quandu u sole rallegra i cori, facciu sempre listessu traghettu.

Passu un pocu in furia davanti à i parastagi, fighjentu cio chì ghjè propostu.

Ci n'hè di tutte e mamme.

A meia a passione so i libri corsi. Ne compru a minimu 10. Sò bè chì quandu ghjunghju, i piu belli so partuti, compri da amatori più maligni chè mè. Ci si trova libri cari ma mi cuntentu di i prezzi ragiunevuli per u mo porta munetta.Mi piace assai àcompra à u « bouquiniste » perchè ghje assai simpaticu, i so libri à bon pattu è sà cio ch'ellu vende.U libru per ellu un he micca un oggettu senz’ anima.

U mo sguardu, cume quellu di l,altri cerca, tuttu caminendu,un amicu, una cuniscenza per chjachjerà è scambia parulle d'amicizia.

Ci sò ancu quelli chi vi ghjustranu per basgiavi. Qulchi volta ci la fate à fighjà altrò chì i basgi frustanu a faccia ma certi i ritrovateà u ritornu è tandu ci passate. Ohimé !Il

Mi fermu appenuccia davanti a scatula di i libri per u piacè di a scuperta.

In cima di a piazza ci sò quelli di u mercatu di i panni novi. Passu in furia davanti chì so compru torna un poderaghju più entre in casa da e cataste.

Francata a piazza scontru i testimoni di Jeovah, aspettanu cù una pazienza "tamanta èu mondu "chì qualchi sia venghji à discutà incù elli.

Eccu dui bar da e terrazze piene di ghjente chi pare ch'elli comprinu u sole in listessu tempu chè e beiende.Custi e chjachjere ùn vi ne dicu nunda. Chi tanti mulini.

Nant'a u mercatu l'amatori di fritelle facenu a coda cume in tempu di guerra.

Ci he u marcatu cù duie faccie, una versu a ghjesa e l'altra induve un si sente pocu parla corsu.

Tutti facenu i s'affari bone è bè, i clienti compranu, cuntenti si i prezzi so bassi.

In fondu di u mercatu eccumi davant'a a ghesa san ghjuvani, lasciu incu rigrettu u sole.

E mo camerade è u prete m'aspettanu per canta.

Cum'elli sò belle e mo dumenicate in Bastia !!!!

U paradisu ghjè quì o ghjente !