Rujenan

Sce me fërmi a rujené cun te
un daujin al’ autra, uedli tl uedli,
lesier y liëde devënta inò mi cuer
y scumparësc tl am l melvester
sciche fum che se piërd tl air.
Y plu tleres me sà i pensiëres,
mi sentimënc y la rejon
che porta la persona a defënder la vita
contra la mort, se junjan al’ autra.
Ntan che tu rejones, n puech al iede
se pond la nuet sula zità,
l se mpëia la lums tla stredes
deberieda cun la stëiles y l se architea
la fueres di motores y dl caos
y ti paroles sesuredes
vën purtedes dalonc dal vënt
daujin al surëdl dlà dal mer.