Scola bislingua di u Viscuvatu

A FOLA DI SAN’MARTINU

Tempi fà, ci era un paese chjamatu u Bel’Fiuritu.

Un ghjornu, Satanassu hà vulsutu diventà u signore di u Cantone. A l’intesa di sta gattiva nutizia, tutta a ghjente era à l’addisperu.

« S’è vo ùn vulite micca accettà mi, fiumi, vadime, surgente, fiumicelli di u Viscuvatu seranu à l’asciutu ! »

A l’epica, era a forza di l’acqua chì facia girà e meccaniche di i mulini è di i fragni. A farina di granu, di segala, d’orzu  o di castagna, cum’è l’oliu d’aliva, eranu u vittu di a ghjente campagnola.

È un ghjornu, più acqua ! A sicchia ! I paesani eranu persi. I chjosi, l’orti, i campi si murrianu…

U Vescu, Opizo Pernice, hà dumandatu à San’ Martinu, un bravu è giovanu pastore, tremendu cum’è un lione, u so aiutu. Stu giuvanottu era u figliolu di a Signora di a Casinca.

San’Martinu, sottu à a prutezzione di a so mamma, hà datu un appuntamentu à Satanassu in Piazza Nova.

Quellu ghjornu, San’Martinu s’hè affaccatu cù u so pilone adossu è Satanassu, tenia nantu à a so spalla un’acula.

Satanassu squadrendule da u capu à pede u giuvanottu, li disse : « Nissunu discorsu mi ferà cambià ! Vogliu esse u signore di a Casinca ! »

San ‘Martinu, li lampò u pilone in capu, criendu : »Ch’è tù smarrischi sottuterra è ch’ella torna a divizia ! »

Satanassu smarrì in una cavità di u terrenu. Subbitu, l’acqua viva sorge da u tufone. A so acula si trasfurmò in statua di bronzu. I paesani anu custruttu in questu locu una funtana è anu piazzatu l’acula di bronzu.

I sculari di a scola di CE1/CE2, Insegnante Madama BALDI