UN SCAPPATICCIU... LITERARIU

Ercule hè un giuvanottu di vint'anni è hè u figliolu di Don Santu Falcone.
À u principiu di u testu, Ercule si trova inde un chjosu è si piglie per "un gran capitanu di i tempi antichi" cum'ellu a ci dice l'autore Natale Rochiccioli.
Da issu giardinu vede tuttu u so paese è ci parla d'una casa chi ghjè stata riffatta ùn ci hè tantu. Issa casa hè a casa di u merre, u babbu di Mariuccia : Anton Battista Carlutti dettu Tremolò.
Ercule parte di issu chjosu è fala in paese à circà a casa, perchè ch'ellu era innamuratu di Mariuccia, era "a stella chì dà vita" per ellu.
A zitella u vedia spessu dai a so finestra è anch'ella era innamurata di u giuvanottu.
Ma essendu tramindui troppu giovani per campà a so passione è dunque per marità si, ci vuleria ch'elli aspitessinu l'accunsentu di i parenti.
Una sera, mentre cena, Ercule dice à u so babbu Don Santu Falcone - dettu Minuit - ch'ellu vole spusà à Mariuccia.
"Minuit" ùn disse nunda, pinsò solu à a reazzione di u babbu di a giuvanotta amparendu a nutizia... Ci vole à dì chì i dui babbi, dunque Don Santu Falcone è Tremolò ùn si ponu pate: Sð ancu nimichi sò!

Issu capitulu ci pone u prublemu di i giovani di iss'epica quand'elli si vulianu marità si o quand'elli s'innamuravanu. Tandu, dipindianu di l'accordi di i parenti per pudè campà a so passione, è dunque, spessu certi giovani facianu i scapaticci chjamati ancu "Matrimogni di a volpa" per scappà luntanu da u paese, divintendu sbaniti. Dopu à u scapaticciu, di regula, i giovani ùn tornenu più in paese, ma ci seranu forse eccessione cum'ellu si vede inde u libru. Certi voltenu, ma l'affaru hè raru, è sarà ancu a tunalità di u libru, u comicu è a risa, chì permette issa pussibilità chì a vita reale face più scarsa...

ANTONE SCAMARONI

U capitulu principia incù una descrizioni di a piazzetta di u paesi, hè spiccata in dui cù u Bar Central di Filice induva ci sò l’omi maturi è di l’altra parta ci hè u Bar des Sports di Luisa induva ci sò i ghjovani chì ghjocani à u “baby-foot”. È sempri à mezu à i ghjovani ci hè Antone Scamaroni, parsunaghju eponimu di u capitulu, chì hè una tribulazioni pè i so vicini è i giandarmi causa di i so festi in casa cù l’amichi.

Scamaroni leghji un ghjurnalu è u stututori lancia un dibattitu cù eddu à nantu à i nutizii.
Antone hè statu intirottu da Ghjaseppu u Scarparu u so nemicu chì circava à Ercule. Antone spiega ch’eddu l’hà impristatu u so sameru ma ùn sà micca induva eddu hè andatu. Ma per via d’issu cuntrastu Antone capisci chì Ercule (figliolu di ziu Don Santu dettu Minuit) hè scappatu cun Mariuccia (figliola di u marri, u nemicu di Don Santu). Dunqua Scamaroni canta “ hè scappatu u me sumeeereeee!” pè fà capì à tuttu u mondu ch’ùn hè micca una quistioni di sameru ma di u scappaticciu di Mariuccia è Ercule.
U marri va à veda à Scamaroni pà capì a storia di u so sameru chì hè scappatu è eddu dinò capisci tuttu è Don Santu teni a so vindetta di a sirata di Natali.
Dopu tuttu u mondu ne parlaia in paesi, è u marri si sintia assai vergugnosu.
È in fina tuttu u mondu s’adurmintaia è suniaia à un’altru mondu.

Si vedi bè comu a sucità paisana hè divisa in dui parti cù issa siparazioni trà i vechji è i ghjoovani cuncritiza da i dui caffè è i so nomi significatvi, puru s'eddi sò stiriutippati

FELICIA

In issu terzu capitulu, Natale Rochiccioli ci conta à storia di Felicia.
Felicia hè una donna magnifica incun tutte è qualità pussibile, hè vista cumè un rigalu di a natura, era cugnumata « Madonuccia ».
Tutti eranu innamurati di ella sopra à tuttu Ghjaseppu u scarparu, ma ùn pudia nunda accade trà Ghjaseppu è a bella Felicia, è cusì Scamaroni pudia bè macagnà u caru Ghjaseppu.

In issu capitulu, Felicia criticheghja cù a so mamma u matrimoniu trà Ercule è Mariuccia perchè chì e duie famiglie sò appena in bisbigliu, è chì si sà chì in Corsica u matrimoniu cuncerna à tutti, ùn addunisce micca solu i dui innamurati, ma tutta a famiglia, ci vole chì i parenti di a donna è quelli di l’omu sianu d’accordu.
Tandu Felicia và à vede a mamma di Mariuccia, madama Carlutti chì li spieca ch’ellu era colpa di Scamaroni si Ercule s’avia da marità incun Mariuccia, è chì issu matrimoniu ùn si deve fà.
Madama Carlutti parla a Felicia perchè chì porta un antru parè, quellu di a ghjuventù, è cum’ella hè una brava zitella, sarà ancu di bon’ consigliu.

Spicca bè a dimensione suciale  di u matrimoniu in stu capitulu. Pare una quistione solu cullettiva. L'affare trà e persone chì si tenenu caru, u sentimentu, l'amore, u prugettu di saldà una vita inseme ùn hè mancu ammintatu!.

Natale ROCHICCIOLI: Cavallaria paisana

ISBN :978-2-86620-133-3
Edizione: :CRDP di Corsica
Stampatu in u1999
Cullezzione:L'Ammaniti.