Versione :
Francese

Vanessa ALBERTI : stampatori è giurnali di Corsica

XVIII-XIX seculi

Vanessa ALBERTI, maestra di cunferenze in Storia hà studiatu u sviluppu di a stampa corsa sinu à u 20u seculu. Pocu fà hà fattu una cunferenza nantu issu tema da u 1760 à u 1919.
U so spostu mette in risaltu trè periudi maiò :
• 1760-1820
• 1830-1870
• 1870-1919

Longu à isse trè epiche, a stampa si vede ch’ella muta ogettu è primura, postu ch’ella serve à l’iniziu l’interessi di i puderi pulitichi è i tornaconti di i gruppi suciali chì i servenu. À pocu à pocu busca più libertà di spressione è attenzione più maiò pè a vita di a sucetà corsa.
U primu titulu maiò di sicuru sò i Ragguagli paulini –è paulisti- chì sò u giurnale di u guvernu. Organu à serviziu di a pulitica officiale, ma ci si ammenta dinù e disfatte di a pulitica militare di u Babbu di a Patria.
I primi decennii di u 19u seculu sò marcati cù un sviluppu impurtante, da Le Journal de la Corse, publicatu bilinguu (francese-talianu) sinu à u 1824 è chì hè sopra à tuttu giurnale officiale du Dipartamentu di a Corsica : si indirizza à merri è rispunsevuli lucali chvole cuntribuisce à l’amministrazione di una terra è una pupulazione pocu è micca integrata in a vita di u Statu. Da l’anni 1930 , in un clima puliticu più sottumessu à currenti d’upinioni varii o opposti nascenu unepochi tituli cum’è L’Echo de la Corse o L’Insulaire Français per indettu. Di sicuru issa stampa custindi hè survegliata assai è ci vole à aspettà l’anni 1870 per vede una libertà significativa sprime si in issi giurnali. D’altronde crescenu i tituli publicati, à tal’puntu ch’ellu ci ne sarà più di 200 trà 1870 è u 1914. Riteneremu in issa divizia Le Petit Bastiais, Le Journal de la Corse è, di sicuru, A Tramuntana di Santu Casanova, pè a prumuzione di a lingua corsa.