Versione :
Francese

Ghjuvan Martinu MONDOLONI LINGUA CORSA : Primura educativa è culturale (1)

 

 

Tutti i ghjorni, in e ragiunate di a ghjente è in i discorsi più furmali, in pulitica o in i media si ammenta a lingua corsa. Tanti anni fà era un sugettu chì spessu a ghjente si attaccavanu lite . Invece oghje à prima vista pare ch’ellu ci fussi propiu l’accunsentu di tutti per salvà la è prumove la in tutte l’occasione di parolla, sia in u duminiu privatu sia ind’è u spaziu publicu.
Ci saranu i mezi per assicurà li avvene è forza ? In una cunferenza chì unisce riflessione filusofica, sperienza è studiu pedagogicu, ma ancu e riflessione di l’omu puliticu, Ghjuvan Martinu MONDOLONI ci porghje u parè ragiunatu è utilissimu di un attore impurtante di l’educazione è di a vita pulitica