1) LITERATURA È VERITA ?
(in a rubrica : Literatura>Cumenti è parè)

          Simu cascati nantu à un articulu di TOTTUS IN PARI chì ammenta l’ultimu libru di Jérôme FERRARI : Le sermon sur la chute de Rome. Un’accusa di razzisimu antisardu, una critica severa è inghjusta di unu chì u libru, ùn l’averà mancu apertu !
         Torna una volta si tocca di ditu u sbagliu tamantu di a critica quand’ella vole cunsiderà l’opera d’arte da spechju tale è quale di u reale. Quand’ella pensa chì l’autore, fendu parlà persunagi è circustanze, dice sempre sempre è in manera evidente, e so idee, u so parè, i so sintimi prufondi, ciò ch’ellu pensa è risente, in quantu à sè stessu è à l’altru !

2)U RUGHJONU DI SARTÈ
(in a rubrica : Scontri>Attelli)

         Da parechji anni, in tutte e scole di Corsica si face un gran travagliu pè a scuperta, u studiu è a cunniscenza di a cultura cum’ella si campa in i nostri rughjoni. Iss’attività di pedagugia è di cultura hè di qualità primurosa, ma u più d’issu patrimoniu attivu ùn hà sboccu publicu, ed hè un peccatu per noi, tutti l’altri chì ùn andemu più à a scola !
          Ci anu portu un memoriu di una scola di Sartè fattu da una squatra di maestri cù i sculari, quindeci anni fà. L’emu lettu cun piacè è traduttu da u francese. Dunque, eccu ne qualchì pagina in lingua nustrale.
           S’è un lettore capace e vulessi scrive in variante sartinese –vogliu dì, sartinesa !- è manda ci la, saria una bona di ristituisce li a voce di u locu.

3)E PORTE DI A PUESIA
(in a rubrica: Literatura > Puesia)

       Secondu lampu pè u nostru CASALE DI A PUESIA CORSA D’OGHJE in custruzzione. L’affare cresce pianu pianu. Oghje sò parolle è puemi di:
• Acquaviva M V: Chjappuli ; Inverni; Eredi (in Chjappuli); Ma chì stomacu... ; Caffè di u liceu (in Lune)
• Biancarelli G. Vestutu di cutrina ; à ghjornu pienu ; in sigrettu ; u ventu d'inguernu ; un aranciuchju minutu ; chì pietà ; d'esse verdu ; ancu i lindumani ; quasgi l'invernu (PHI)
• Biancarelli M : I stagni di Carataghju ; dipindenza ; Frankenstein (PHI)
• Di Meglio : a carezza di l'acqua ; attrachju di silenziu (PHI); a serva (Bonanova 23»)
• Durazzo FM : diti di u scavapuzza ; a tarra hè u mio doppiu ; in l'attesa raccolta (PHI)
• Filippi PM 3 rubbayyat ; poesie particulare
Lighjite issi puemi in a rubrica: Literatura > Puesia.

4) TROILU È CRESSIDA
(in e rubriche: Literatura > Teatru è Scontri>Attelli)

U testu d’issa pezza di teatru creata anni fà in u quatru d’INTERREG hè presentatu è illustratu cun ritratti è articuli di stampa.

5) FESTIVALE DI SAN BARTOLOMEO (SARDEGNA)
(in a rubrica : Literatura>Isule literarie)
Ricevimu da ARKA (Sardegna) stu messagiu
Buongiorno a tutti,

Da anni porto avanti, con piacevole fatica, un concorso letterario (poesia e narrativa) aperto alla lingua italiana, sarda e corsa.
Negli anni, sono arrivati diversi componimenti sia in sardo che in italiano ma la mia voce non è mai riuscita ad arrivare fino alla Corsica perché nessuno ha mai partecipato dall'isola gemella.
Vi chiedo di suggerirmi una strada per diffondere, anche in Corsica, il regolamento (che ho solamente in lingua italiana) del nuovo concorso che ha per tema: "periferie".
Con vivo apprezzamento per quanto fate per la Cultura, Vi porgo i più cordiali saluti,

Vincenzo Di Dino
presidente A.R.K.A. Eventi Culturali
responsabile del Festival Letterario San Bartolomeo
http://festivalletterariosanbartolomeo.blog.tiscali.it
www.facebook.com/arka.eventiculturali
333-3956693
338-7535024

Fate sapè ch’ellu ci hè vicinu vicinu issu festivale literariu è chì l’urganizatori anu a primura di vede ci participà a creazione in lingua corsa.
Lighjite u regulamentu di u cuncorsu (in a rubrica : Literatura>Isule literarie)