Fola....

Sta parolla propiu pupulari rimbomba in a menti è in cori d’ugni parsona. A fola hè culma di viaghju, di misteriu, di sintimi prufondi chì ugnunu risenti com’è issenziali. A fola tratta di sè, di l’altri, di ghjustizia, di loca strani, praticati o sminticati.

Ma hè una sturietta pà i ziteddi o una filusufia di vita pà ugnunu ? Hè viva à u scrittu,solu à l'urali, o in una mediasfera sempri in evuluzioni ? Chì conta in fin di contu?

A fola ,t'hà u so filu. Ed hè masimu una funa chì mischia imaghjinariu è rialità, da fà ci di più attenti è rispittuosi, da fà ci di più imaghjinativi è attivi. Com’è s’è u ghjocu di a vita era statu missu in riassuntu in una parolla sola ; Fola.