L'AMICA DI RUMANIA
Vita di l'associu
![](https://interromania.com/sites/default/files/styles/image_400xx/public/dana.jpg?itok=W_NwD351)
Mesi fà hè sparita Dana Marina DUMITRIU, insignante-circatora di l’Università di Craiova, dapoi u 2005 in missione à a Sorbona (Parigi 3), è po Secretaria Generale di l’Osservatoriu Europeu di u Plurilinguisimu (OEP). Pè e so prime affaccate in Francia, in l’ultimi anni 1990, avia fattu in Corsica parechji sugiorni è si era appassiunata pè a lingua corsa ch’ella cunniscia è manighjava. Eranu state pè ella l’occasione di fà belle traduzzione in rumenu è per noi una campa di vede parlà si duie lingue rumaniche poche avvezze à u cuntattu, ma cusì di sumiglia. Eranu state dinù parechje cunferenze nantu à e Lettere rumene.