SPASSIGHJATA IN COIMBRA :
Spassighjata literarie è pedagogiche
![](https://interromania.com/sites/default/files/styles/image_400xx/public/1-portail_de_luniversite.jpg?itok=D0Jusw8P)
![](https://interromania.com/sites/default/files/styles/image_400xx/public/2-clocher_de_la_tour_de_luniversite.jpg?itok=duvmCGTI)
![](https://interromania.com/sites/default/files/styles/image_400xx/public/3-parvis_de_luniversite.jpg?itok=LSpuDOXD)
![](https://interromania.com/sites/default/files/styles/image_400xx/public/4-porte_de_la_chapelle.jpg?itok=YuGdO_nQ)
![](https://interromania.com/sites/default/files/styles/image_400xx/public/5-_autel_de_la_chapelle_de_luniversite.jpg?itok=IcrrVaT-)
![](https://interromania.com/sites/default/files/styles/image_400xx/public/6-_groupes_detudiants_musiciens.jpg?itok=ilrLrgmQ)
![](https://interromania.com/sites/default/files/styles/image_400xx/public/7-capes_detudiants_.jpg?itok=cbsGPyox)
Eccu una cità emblematica : anziana capitale di u Purtugalu, Coimbra tene a più vechja Università d’issu paese., oramai classificata in u patrimoniu mundiale di l’umanità. I casali chì sò sparti ingiru à u Patio das Escolas sò in data di u tredecesimu seculu è trà quessi si rimarcanu unu più chè l’altru. Cusì si pò visità, senza fà ritratti pè ùn fà ci disguasti, i trecentumila libri vechji di a bibbiuteca Joanina. Indrentu, hè intratenuta a magnificenza di u diciottesimu seculu è ci anu i nidi di topipinnuti chì ci stanu è sbarrazzanu i libri da l’insetti chì i puderianu arruinà. A cappella Sao Miguel t’hà un altare manieristu magnificu è inturniatu d’azulejos, i so quatretti di modu tipichi di u Purtugalu è chì u so purtone di stile manuelinu hè statu fattu à u sedecesimu seculu. U campanile chì simbuliseghja l’Università è strapiomba a cità t’hà trè campane, u sonu di a capra, a più celebra, hà ritimatu a vita di leve di studianti. È puru u museu ch’omu visita ùn hè mancu à pena aggrancatu; i studianti sò custindi, belli vivi, accuppiati in gruppi di cantu chì mettenu vita in i carrughji, passighjendu in e so cappe ch’elli straccianu compiu u so cursus , da pudè ne azzingà pezzi à u purtò d’entrata munimentale. È cusì sia !
SONI :
Coimbra - 1
Eccu una cità emblematica : anziana capitale di u Purtugalu, Coimbra tene a più vechja Università d’issu paese., oramai classificata in u patrimoniu mundiale di l’umanità. I casali chì sò sparti ingiru à u Patio das Escolas sò in data di u tredecesimu seculu è trà quessi si rimarcanu unu più chè l’altru. Cusì si pò visità, senza fà ritratti pè ùn fà ci disguasti, i trecentumila libri vechji di a bibbiuteca Joanina. Indrentu, hè intratenuta a magnificenza di u diciottesimu seculu è ci anu i nidi di topipinnuti chì ci stanu è sbarrazzanu i libri da l’insetti chì i puderianu arruinà.
Coimbra - 2
A cappella Sao Miguel t’hà un altare manieristu magnificu è inturniatu d’azulejos, i so quatretti di modu tipichi di u Purtugalu è chì u so purtone di stile manuelinu hè statu fattu à u sedecesimu seculu. U campanile chì simbuliseghja l’Università è strapiomba a cità t’hà trè campane, u sonu di a capra, a più celebra, hà ritimatu a vita di leve di studianti. È puru u museu ch’omu visita ùn hè mancu à pena aggrancatu; i studianti sò custindi, belli vivi, accuppiati in gruppi di cantu chì mettenu vita in i carrughji, passighjendu in e so cappe ch’elli straccianu compiu u so cursus , da pudè ne azzingà pezzi à u purtò d’entrata munimentale. È cusì sia !
RITRATTI :
1-Purtone di l’università
2-Campanile di a torra di l’Università
3 Sacratu di l’Università
4-Porta di A Cappella
5- Altare di A Cappelle i l’Università
6- Gruppi di studianti musicanti
7-Cappe di studianti