UN PUEMA DI PETRU CANON

Eccu o Diana a me risposta... cù trè filari chì parlanu di u Sole...

 

SOLE INVINTU

 

Chjerchju supranu di lu ghjornu chì nasce
À purtà stonde vane d'un andatu cumunu
À l unu addurmenta, à l altru fà pasce!
Pecuraghju di lume ch' ùn tralascia à nisunu

Sole invintu!

È quì l'Omu s'intana, quì l'Omu s'affana
"Sarà ghjornu dumane?" "Ghjunghjeranu le manne?"
Cum'è s'è t eri partutu da la to cresta altana
Ma l'astru ci hè nù l'orice meridiane

Sole invintu!

È la notte s'affaca cù le so perle bianche
Hè lu ghjallicu prontu, hè lu candellu accesu
È t'avvicini tù nù le cime o e panche
Ad arrizzà u tosu à cunsulà l'offesu

Sole invintu!

À l'angoscia una spera, à a pena un cunsolu
Fà pacenza o corsu sbuccia sempre l'albore
Pocu dura l'attrachju, ancu duru hè lu dolu
N'appii o corsu ne paura ne timore

Sole hè invintu!

 

Sentite lu dettu da Petru CANON...

https://www.facebook.com/petru.canon/videos/532649044336696/?notif_id=1584891866177279&notif_t=feedback_reaction_generic_tagged