Un cumplimentu à a nostra cara Patrizia chì ghjè venuta à sustene l'associu lingua è cultura corsa. 

Oghje corre a nutizia
In caffè ghjunghje Patrizia
Gattacceca di casata
Cantatrice rinumata
Di lingua corsa tercana
Vene sustene à Campana 

A nostra cara surella
S'affacca da l'Acquatella
Ghjè artista impegnata 
À u corsu arrampicata
A so voce cristallina
Ribomba d'à zitellina

In issi scontri culturali
Chì ci parenu cruciali
Si discorre cū passione
Cun duie ore d'immersione
Sianu multiplicati
O puru illimitati 

Nasce una chjachjerata
Trà issa ghjente passiunata
Sì pò leghje poesia
Contà fole, una cria
Francese ūn sì ne sente
Si face naturalmente

Senza mezi in Bastia
Un'allegra cumpagnia
Circhendu à riacquistà
Quella antic'oralità
Dà a prova chì per pudè
Basta soltantu à vulè. 

 Cathy CAMPANA