Farfaruzas de frizzos

Custa terra
No finit in mare
Eo connosco
Chie l'hat intro sa carre
Ferida chi no si serrat
Offesa azzesa
Chi tottu su sale de su mare
No podet sanare

Addaisegus de su bidru
Sa bidriera 'e su destinu
Nos mantenimus
Umpare a nostra vida proibida
E noie abbaidamus
Su chi fimus potidu essere
Si si fit fattu a zinziris custu bidru
Sutta a sas manos nostras
Finalmente rèndidas

Su pane tou
Ses andadu a lu mannigare in aterue
Pane sueradu
In logos furisteris
Ma coment'est chi no s'est abblandadu

Su fàmine
Fàmine de sa terra tua
Fàmine d'essere tue