EFFEMERA TUTTA VITA

 

Effemera tutta vita 

Effemeru tutt’amore

Ma un ghjornu sì sparita 

Tandu s’hè spentu lu sole

Tale una stella svanita 

À lu fugace splendore

 

O quantu eiu suspiru 

È rigrettu lu passatu 

Da lu mio primu respiru 

À lu to ultimu fiatu

In un passageru giru 

Incù tè à lu me latu

 

Ma lu cruellu destinu 

À l’umanu taglia l’ale 

Lascia prende lu caminu 

Di a parata universale 

Po’ ne face lu sterminu 

Cù la pena capitale

 

Pregu à lu Creatore 

D’agradisce la mo chjama 

A li chergu cun fervore

Pà suddisfà una brama

Postu chì ghjè gran’Signore 

Ch’ellu mi rendi à mamma.

 

Cathy CAMPANA