Rughji è chjuchjulimi

Baldovini Pasquale

https://www.albiana.fr/puesia-teatru-e-cantu/950-rughji-e-chjuchjulimi.html

Chuchotements, cris, digressions et soliloques, la gamme de l’expression est infinie. Le poète les met en musique...

 

Description

Ci vole, à crede, à pensà, ciò chì tù scrivi. Chì hè, bugiardà à nantu à u fogliu, s’ella ùn hè stuppà si in faccia ? Ùn pensà, scambià u mondu, ùn pensà à scummove lu. Sì solu, è ti scrivi à tè stessu. Tandu, ùn bugiardà. Ùn cercà micca à annannà ti, à perde ti. Dì la. A verità. Ciò chì tù senti, in core à tè. Hà un nome. Hà una storia. È sì tù chì a cunterai, chì a scriverai, è chì ci metti maghjuscule è punti.

Rughji è chjuchjulimi apre tante vie. Marita forma è fi gure di a tradizione ; si pò vede è sente in a scelta di certe parolle è manere di dì ancu scarse ma capiscitoghje. Laca una libertà maiò à l’ispirazione di ogni puema di pettu à tutti l’altri. Da a natura libera è prufumata sinu à e scene di miseria è sottumissione di l’umanu, l’estru corre è abbraccia vita è pensà di ogni stonda. È trà rime è prosa, u fi atu pueticu mai stancia…

Pasquale Baldovini hè natu u 23 di maghju di u 1989 in Aiacciu. Hè crisciutu in u circondu di a cità imperiale è di u so golfu di splendore. Hè nativu di u paese di Vizzani à mezu à e muntagne è i pini maestosi. Hà fattu i so studii di Dirittu è po di Scenze di l’Educazione in Corti. Riesciutu à u cuncorsu di Prufessore di e scole bislingue in u 2015, oghje hè in postu in Balagna. Lighjendu qualchì puema di sta racolta Rughji è chjuchjulimi si senterà quant’ellu hè indiatu à fà d’issu mistieru un elementu di primura pè a custruzzione è a liberazione di l’identità individuale. Scrive in literatura hè pè ellu un’attività di ogni ghjornu, ch’ellu sia rumanzu o puesia, in corsu o in francese.

 

Baldovini Pasquale Hà scrittu Les Portes de l’Aube (rumanzu ineditu), Un cœur franc (rumanzu ineditu)

Mimoria sciolta

L’acellina è u pueta

U zappaghjolu parulaghju

U paese di e forche

À core francu ùn pò stà mutu

Quand’elli mughjanu i largi

U maestru di mille facce

Pittura senza nome

Sogni impussibuli

Fantasia notturna

Fizzione

Sbarazzini imprigiunati

Curriamu in a traversa

Rifiata

A gola

 

Publicatu in 2018

Edizione :

(9 pagine - 64.00€)