Un scrittu di Alex Negroni

Allora ch'ellu era in casa soia versu nove ore di sera dopu à una ghjurnata di travagliu, u telefonu di u cummissariu Lanfranchi sunava, ghjera unu di i so ispettori chjamatu Santelli, chì d'una voce terrurizata li annunziava ch’ellu ci era statu un altru crimine ind'è un carrughju bastiacciu. Lanfranchi falò dunque in furia, senza rifiatu nant'à u locu di l'assassiniu. Ùn ci era ancu chè poca ghjente ingiru à di u mortu, solu l'ispettore Lanfranchi è unipochi di passanti ch'avianu chjamatu subitu a pulizza.
À u primu colpu d'ochju, nisunu indiziu ind'è u carrughju, u disgraziatu, un omu d'una trentina d'anni firmava allungatu ind'è una pozza di sangue. Intantu ch’elli ghjunghjissinu i spezialisti nimu si devia avvicinà di u settore, u cummissariu è a so brigata cummincionu allora à circà palle in terra postu chì l'assassiniu paria esse fattu da l'arme.
Ghjunsenu parechji spezialisti è tandu e ricerche pudianu cummincià di manera più riflessive, è malgradu a notte è l'uscurità di u carrughju, dop'à una piccula stonda di ricerca i primi indizii ghjunghjianu. Pudianu allora custatà chì l'omu era statu tuccatu da duie palle, una à u pettu è l'altra ind'è u capu. Trè cartucci di fucile di caccia eranu lasciati da u tirore pocu prudente ! Ciò chì rendia allora a missione daveru più simplice pè ritruvà u tombaghjente. Dopu avè fattu tutte l'analise pussibile nant'à u terrenu, u corpu di a vittima pudia esse traspurtatu à l'ospidale da l'ambulanzieri pè fà un' autopsia è ricerche più minute.

U lindumane d’issa notte agitata ma quantunque cumuna à u cummussariu, li firmava allora à ritruvà u tirore. Cun l'aiutu di i so ispettori Lanfranchi è un altru , Simoni, fù tenutu à capu ind'è a matinata. L'affare paria purtantu abbastanza simplice, ma nò ! L'arma pudia esse stata arrubata, o micca micca dichjarata...
U mortu ellu ùn era micca cunnisciutu da a pulizza, babbu di dui poveri zitelli, era un omu simplice ch'ùn avia nunda à rimpruverà si si è passavanu i ghjorni dumandendu si perchè ellu ? Senza risposta...

Eppo, dopu à qualchì ghjornu di ricerche, si truvò chì u fucile era statu dichjaratu ind'è una gendarmeria marsigliese unipochi d'anni fà da un pinzutu. U cummissariu Lanfranchi era allora nant'una bella pista. Ma peccatu, l'omu ùn era più ind'è ellu, a casa paria esse chjosa dapoi un pezzu, forse allora ch'ellu hè venutu à installà si in Corsica, ma cumu sapè ? Cunniscianu cù furtuna u so nomu, un certu Marcel Delin cunnisciutu di i servizii di pulizza di Marseglia pè a so viulenza, ma nunda di propiu grave.
L'affare si cumplicava allora pocu à pocu. Ci vulia dunque à ritruvà issu omu chì puvia valcà u mare è rende a so ricerca monda difficiule. Tutte e patruglie di l'isula eranu à u currente ma ci mancava un indiziu pè fà schiattà l'affare... È issu indiziu vense unipochi di ghjorni dopu ! - Un abitante chì sinu à avà avia a paura di parlà, dichjarò ch'ellu avia vistu una vittura parte à l'infuria dop'à a fucilata. Sta nutizia ùn venia micca sola postu chì l'abitante avia avutu l'intellingenza di marcà l'immatriculazione di a vittura !
L'inchiesta tandu avanzò più prestu, i pulizzeri giravanu di più in più in ogni locu.
Eccu ghjà ! A vittura hè ritruvata davanti à u mercatu di Lucciana ! Li firmava allora à seguità lu senza à piglià risichi d'esse vistu da l'omu. Si pustonu daretu à ellu allora cù discrezione, è per furtuna Marcel Delin pigliò subbitu a strada di u paese di Lucciana, è dunque cinque minuti dopu, i pulizzeri sapianu esattamente duv'era a so casa.
U cummissariu Lanfranchi era allora tenutu à capu pocu tempu dopu è pudia mette in ballu l'arrestazione di u tombadore Delin à u lindumane, u tempu di priparà propiu l'affare. Pè què dumandò dunque à numerosi gendarmi è altri d'esse presenti u lindumane matina à sei ore è mezu à u so lucale per urganizà currettamente l'arrestazione, è d'esse sicuru chì à iss’ora custì l'omu saria in casa soia.

Ott'ore, u lindumane, dopu avè fattu u puntu, a brigata pulizzera era nant'u terrenu, tutti pronti, u cumandamentu hè datu da u cummissariu ! L'arrestazione si face allora ! In pocu tempu senza troppu dificultà. L'omu paria avè capitu ciò chì si passava, è si lasciò fà senza prublemi nè viulenza.
U cummisarriu Lanfranchi è a so brigata avianu una volta di più rigulatu un'affare tremendu d'assassinu...