Sò accolte quì unepoche di realizazione è cuntatti di u nostru associu dapoi l'anni 1990. Da tandu si hè pussutu allargà un'azzione digià indiata cun l'anni 1970 è l'Università d'Estate di 1983 è 1984. Sò state cuncernate l'isule vicine, a Sardegna, è po l'altre in u Mediterraniu occidentale. Cusì sò stati propiu à ghjuvore i prugrama INTERREG è u prugettu IMEDOC (Isule di u Mediterraneu Occidentale). Dopu si hè distesa issa primura à l'inseme di u Mediterraneu. In ogni casu si hè pruvatu à stabilì cuntatti permanenti è qualcusella si hè pussutu fà.