Dominique BUDOR, prufessora di lingue è civilizazione taliane hè dinù una scrittora di talentu è appassiunata di cultura. Ùn si contanu più i seminarii duv’ella hà purtatu avanti a cunniscenze di l’autori taliani –è trà quessi di sicuru Pirandello- ma ancu e quistione generale, sia di forma è generi, sia di cuntenuti culturali. L’Università di Corsica hà pussutu in parechje circustanze gode si a so presenza, a so parolla è u so affollu. U mumentu dedicatu à Pirandello ind'è noi hè statu di primura.