U secretu di l’imaginariu di e fole avvoltu indè settori  cansati di u spiritu umanu mancu  pare spanticatu à e luce di u spiritu logicu
Pruvene da u bisognu  di tramutà una realità per u più spietata è murtificante in un mondu miticu induve u più debule piglia a suprana nantu à u male  cù u so ingegnu è cù l’aiutu di forze benefiche…
Da rinfurzà torna u messagiu  entre una forma narrativa specifica . Partendu da una situazione iniziale ci vole à svolge in ordine logicu è cuurdunatu un racontu chì si compie gratificante per l’imaginariu è per u sintimu.
E po s’inizia a voce . Ella chì allesca l’attinzione di  chjuchi è maiò in un incantesimu  di sonniu. Fulaghji è fulaghje di u Ghjunsani lascianu impronte radiose . Tantu si hè persu ma u ricordu di Ziu Antoniu di u Musuleu, d’ Antoine Fabiani Antonelli, di Nunziu Giacomoni, d’ Antone Pietrotti è di tante venerate mammò hè  tesoru da sparte .