Piaghe

In e strine di e labbre

U calore salitu di e to mani

Acqua

chì solca a terra

In un lettu prufondu

corre è balla

Isula  sì  

di a parolla

Isula sì

Secretu frollu

Istanbul, Istanbul…

S’apre maestosa a porta turchina

Cum’è un crucivia à rente à u mondu

Istanbul

Un pocu di mè, un pocu di tè

Prufumi saliti trà e duie sponde

D’Istanbul

Vecu spuntà quì e sette cullette

E cuppule in celu di palme è cipressi

Istanbul

Hè a terra

Di l’albe amate

Hè a terra

Di u sognu

A terra

Silenziosa

Hè a terra

Di a petra azurra

Hè a terra

In i pieghi di a rena

A terra

duve vince l’amore

Giranu e granitule

À l’addiritta à l’oritrosa

Giranu e granitule

Sò tondi i mesi

Giranu e granitule

A l’addiritta à l’oritrosa

È giranu cum’è nanne

Turnemu criature

In a canzona

Chì voca tondu

Una canzona chì mi risona

Buenas noches Buenos aires

Mi imbotru di u to campà

En las cuadras batticore

A memoria di u tango

Di paradisu o d’infernu

Trà u more è u cantà

L’anima ripiglia fiatu

Tempu di mette à ballà

Fuente de la palabra

Sò d’azurru e mosse

Di celi scalaticci

D’esilii stacchicciati

In issu mare memoria

Cappianu u so schizzu

E spelonche di sale

È voca  voca

À sulcà mari

Voca voca

Criss-crossing

I’m criss-crossing the sea

Criss-crossing

Ùn ci hè bisognu à dì tutti i mo batticori

Unu à unu lampati à pressu à u to sguardu.

Un antru ghjornu hè natu, pisatu d'a to voce

Chì sveglia i ricordi vissuti tempi fà.

A Piazza era bianca è tù ci sì passata...

A palma di u sole ùn vulia stancià

Un surrisu si hè fattu à l'arice d'un sonniu.

Basgiu di Barcelona

A Catalunya quì vole sfidà l’avvene

E piazze sò di ventu è d’idee è di sogni

Tinte d’oru è di sangue appese à i balconi

E bandere sò spere

Si cunfondenu in tè a notte cù u ghjornu

Per inventà a luce è inghjotte si u tempu