MESSA À GHJORNU DI U 30 D’APRILE DI U 2013

 

 

Pè andà subitu à cunsultà i ducumenti, cliccate nantu à e parolle scritte in rossu

Salute,

Sta volta,

1- « Qu’est-ce que la littérature corse?». A ci avemu puru fatta à pulisce una cria l’arrigistramentu di u dibattitu fattu in Parigi durante u Salone di U Libru, di marzu scorsu. Si sente sempre u tazzu in giru, ma u più di u barattu si capisce è l’argumenti è dichjarazione in quantu à a literatura corsa sò di primura. Eranu riuniti à parlà d’issu sugettu Jérôme FERRARI, Ghjacumu FUSINA è Ghjuvan Guidu TALAMONI. Ghjacumu Thiers li facia e dumande.

2- DA E BALEARE avemu ricevutu unepochi puemi mandati da Joan MANRESA è ci face propiu piacè di presentà vi issu artistu capace in parechje disciplie artistiche, animatore culturale catalanu è assai indiatu in a l’attualità di i so lochi, ancu perchè chì hà diretu parechji prugrami di pruduzzione radiufoniche.

3-Ghjustu quand’è no cumpiiamu sta messa à ghjornu, ci vene u numeru 28-29 di BONANOVA. Un vede ; ALBIANA è l’attellu Graphite si sò propiu spinnati per dà ci una rivista ricca è zeppa, cun vestura grafica bellissima. Vi ne parlemu un’altra volta.