Fighjate un strattu chì presenta à Palma, a capitale di l’arcipelagu. Issa cità assume oghje un statutu di autunumia amministrativa indrentu à u Statu spagnolu. Si indieghja à sviluppà e so infrastrutture assigurendu ancu a prumuzione di a cultura è di a lingua catalana da priservà l’identità di l’arcipelagu

Eccu fattu : Maiorca hà ripigliatu u so versu di vilegiatura reale.

Pocu risicu chì i pueti di a “Nit de la Poesia” avessinu scontru a famiglia reale in vacanze propiu in Palma stessu! Di fatti, l’ultimi di lugliu, sò principiate puru puru e vacanze di a famiglia reale spagnola. Malgratu l’attualità pulitica pocu fatta pè u farniente, u clanu hà pussutu quantunque rifiatà, è l’hà fatta sapè dumenica scorsa cù una cena in famiglia in Palma di Maiorca. Ghjovi u 28 di lugliu mentre chì a so moglie Letizia avia ghjustu compiu cù a so agenda u rè Felipe VI di Spagna mettia dinù a pressione nantu à u so capiguvernu surtante, da ch’ellu truvessi una manera di esce da a trappula è pruvessi à furmà un altru cabinettu.

I pueti, elli sò pueti, è anu cuntinuatu à girandulà quì è culà, à l’usu reale, pè e piazze è i carrughji...