Eivissa
![](https://interromania.com/sites/default/files/styles/image_548xx/public/05_-_eivissa.jpg?itok=wHvLTjeJ)
A cità tradiziunale hè divisa in 3 parte belle delimitate. Dalt Vila, a parte più alta, hè inturniata di muraglie; la Penya, à u pede di Santa Llúcia, l'anticu quartieru di i piscatori; è po la Marina, anticu borgu di a cità chjosa in i muri, oghje centru di a cità cumerciale. À l’epica muderna si sò sviluppati quartieri novi crisciuti secondu à i carrughji di Sant Josep è Sant Antoni.
I dati storichi ch’è no avemu dicenu chì Ibiza hè stata fundata da i Cartaginesi chì si sò stabiliti ind’è l’isula in u VII seculu prima di Cristu. Dunque hè una trà e cità più antiche di i Paesi Catalani attuali, chì ne face parte dapoi a cunquista di u 1235, sottu à u regnu di Jaume I.
Durante seculi Ibiza hè stata una terra povera. A so ricchezza maiò, e saline, sò diventate prupietà reale, dapoi Felipe V de Borbón, vincitore di a Guerra di Successione (1705-1715). Una puvertà prufonda è generale chì mai impedì u statu spagnolu di insumà l’isula d’impositi è di tasse. A dice benissima sta canzona pupulare:
(ind’è st’isula cusì povera/ quelli chì cuntinueghjanu à guvernà la/ a taglianu duv’ella li garba/ è si tenenu u più bellu/ è in Madrid facenu feste tamante/cun ciò ch’elli ci caccianu/ùn sò chè vitture è carrozze/deputati è generali/ è à chì nasce poveru cusì si more/ senza un ghjornu di rifiatu)
À i ghjorni di oghje, dedicata sana sana à u turisimu, l’isula hè diventata una risolsa trà e più alte di u Statu. Hè una terra d’immigrazione, ma a paca cù a destruzzione massiccia di e so bellezze naturale.