Gigi l’Amurosu

 

Sò turnata trà voi,

Per cuntà vi ancu à voi

Issa storia d’un paesucciu à cant’à Napuli.

Eramu trè cun mè, à ghjucà è à cantà,

Per i turisti attavulinati in caffè.

 

Dumè cù a so chitarra,

Santu  cù a so mandulina,

Eiu, ballava battendu u tamburinu.

Ma a ghjente era quì

 solu per stà à sente

Quellu chì facia batte ogni core.

 

È tutti, à a so apparizione, mughjavanu cusì:

 

Arriva Gigi l'Amurosu,

L’arrubacore,  cù l'ochji negri insulenti.

Gigi l'Amurosu

U vincitore senza core,

Ma cusì affascinante.

Chì piacè di stà à  sente  lu cantà

Zazà, luna caprese, O sole mio.

 

Gigi, Ghjuseppu...

Ma tutti u chjamanu

Gigi l’Amurosu.

È e donne eranu tutte sceme

Di ellu, tutte :

A moglie di u pizzaiolu chì ogni marti

Chjuse u so camiò per andà à ...

A moglie di u nutare chì era una santa donna

È chì ùn avia mai ingannatu u so maritu prima...

È a veduva di u culunellu,

A veduva di u culunellu !

Chì ùn purtò più u dolu

Perchè chì ùn li piacia micca u negru.

Tutte, vi dicu ! Tutte ! Anch'eiu, ma eiu...

À Gigi, li piacia  troppu a so libertà.

Fin’à chì un ghjornu...

 

Una ricca straniera

Dopu à avè lu intesu,

Li hà fattu una pruposta per Hollywood:

“Più famosu serai

Chè Caruso, viderai !”

Li ripetì,

Fin’à ch'ell’accunsentessi.

 

Tutti inseme in a gara,

I mandili in a manu

A morte in core

Per ‘ss’addiu miò,

Eppuru cusì fieri,

 Di vede lu andà,

U nostru Gigi,

À cunquistà l’America.

 

È quand’ellu sbarcò

A ghjente li mughjò :

 

Arriva Gigi l'Amurosu,

L’arrubacore cù l'ochji negri insulenti.

Gigi l'Amurosu

U vincitore senza core,

Ma cusì affascinante.

Chì piacè di stà à sente lu cantà

Zazà, luna caprese, O sole mio.

 

Gigi, quandu u trenu hè sparitu

Simu tutti turnati in casa nostra

È u ghjornu dopu u paese ùn era più u listessu.

A moglie di u pizzaiolu

Ricusò di accende u so fornu,

A moglie di u nutariu,

Da a disperazione, pigliò parechji amanti,

È a veduva di u culunellu chjuse e persiane

È ripigliò u dolu per a seconda volta !

 

Iè, u paese era bellu cambiatu, è eiu...

 

U tempu hè passatu,

Cinque anni da tandu

È lettere da ellu,

Quale hè chì ne hà ricevutu ?

Ci hè vulsutu assai tempu

È di più di curagiu,

Per ripiglià a vita senza ellu.

È malgradu l'assenza,

Quandu à mez’à u silenziu

I lumi si sò spenti in u caffè,

Avemu intesu vene

Una lacrima, un suspiru,

Da u fondu di a stanza

Cum'è un cantu :

 

L’arrubacore...

Cù l'ochji negri insulenti...

 

Gigi... Gigi ?

Sì tù quallà in u bughju?

Aspetta ! Lascia mi guardà ti !

Ma... Ma, pienghji !

Pienghji Gigi ?

Ùn  hè andatu troppu bè quallà... Neh ?

Ma allora !

È allora, cosa capiscenu ‘ss’Americani fora di u rock è u twist, neh?

Ma Gigi, cosa pensava tù ?

Diventà Gigi l'Americanu?

È invece nò, tù sì

Ghjiseppu Fabriziu Lucu Santini !

È tù sì napulitanu !

 

Ascolta : Dumenicu s’hè messu à a chitarra.

Aspetta ! Santu hè quì ancu ellu !

Ma.. Ma, ma ùn poi scappà cusì !

Sì in casa toia quì, sì in terra toia quì, sì u rè !

 

O ghjente, hè ghjuntu Gigi!

O mamma mia, Gigi hè ghjuntu d'America !

O Diu, Anna Dea mi morgu d'amore !

Santu !

Hè ghjuntu ! L'Americanu hè ghjuntu ! Hè turnatu da Hollywood !

Daria ! Daria! L'Americanu hè ghjuntu !

 

I senti Gigi? I senti ?

Ci sò tutti ! T’anu ricunnisciutu in gara.

Canta Gigi, canta ! Hè u to publicu, canta per ellu !

Canta per mè chì ùn aghju mai sappiutu parlà ti d'amore !

Veni, canta, bravu Gigi ! Bravu !

 

Arriva Gigi l'Amurosu,

L’arrubacore cù l'ochji negri insulenti.

Gigi l'Amurosu

U vincitore senza core,

Ma cusì affascinante.

Chì piacè di stà à sente lu cantà

Zazà, luna caprese, O sole mio.

 

Bravu Gigi ! Bravu, canta, canta !

Daria, Daria, Daria,

Sai chì Gigi hè turnatu da l'America ?

Anna Dea, Anna Dea, scendi :

Hè ghjuntu Gigi da Hollywood !

Ma s'è ti dicu ch'ellu hè ghjuntu, falà, nò !

O zitelli, o zitelli,

Currite infuria è dite à ziu Antò

Chì hè ghjuntu Gigi d'America !

 

Arriva Gigi l'Amurosu !