Zitelli battenu tamburi militari,
cum’è capre aspre facenu belà e trombe.
Monacale cunsigliu dice d’imbellì e pompe
cù tali soni, evucatori di guerra.

Adestrati da abili tutori,
uniformati, ritmandu rime in umpa,
portanu u passu quandu a prucessiò rompe in
piazza è babboni approntanu mandili.

Provanu, primavera è di sabatu,
è i sentu sunà à pusà nantu a terrazza.
Ricordu, luntana, a Settimana Santa.

Chjappa rimproveri di maestru un musicista strampalatu.
M’arrizzu, zitellu ancu eo, scrianzatu,
è ne facciu un sunettu cù rima diagunale.