Da la litizia à lu dolu

Da la litizia à lu dolu

Vogliu contavvi la storia

Di la casa abbandunata

Ùn ferma chè la memoria

D'una bellezza passata

È vestuta di maloria

Pare stata ghjestimata

 

Sogn'à quellu paisolu

Riccu di rise è canzone

Da la litizia à lu dolu

Dopu spentu lu fucone

Ùn canta più rusignolu

Hè sparitu lu patrone

 

E so petre fumicose

Di sangue è di ceppu corsu

Bramanu mane pietose

Cun amore è cun rimorsu

Per rialzà isse preziose

È ghjovassine di morsu

 

Ma Falcina ùn hà core

Case è ghjente ruvina

Ogni natu deve more

Da sta crudele assassina

Aspetta i ghjorni è l'ore

Po manda tutt'in pulvina.

Cathy Campana, ottobre 2021

 

 

 

 

 

 

 

 

 

 

 

 

 

Vogliu contavvi la storia

Di la casa abbandunata

Ùn ferma chè la memoria

D'una bellezza passata

È vestuta di maloria

Pare stata ghjestimata

 

Sogn'à quellu paisolu

Riccu di rise è canzone

Da la litizia à lu dolu

Dopu spentu lu fucone

Ùn canta piū rusignolu

È sparitu lu patrone

 

E so petre fumicose

Di sangue è di ceppu corsu

Bramanu mane pietose

Cun amore è cū rimorsu

Per rialzà isse preziose

È ghjovassine di morsu

 

Ma Falcina ūn hà core

Case è ghjente ruvina

Ogni natu deve more

Da sta crudele assassina

Aspetta i ghjorni è l'ore

Po manda tutt'in pulvina.

Cathy Campana, ottobre 2021