Versione :
Francese

Ghjuvan Guidu TALAMONI è l’Imaginariu corsu in a literatura (2)

U secondu mumentu di a cunferenza spieca u metudu è l’andatura scentifica di issa ricerca. Presenta l’arnesi di a « Sociocritica » (Claude DUCHET) è u modu di arricoglie è analizà i dati literarii cun l’affollu di discipline adatte (tematulugia, intertestualità, critica genetica). Face vede cum’ellu ci incrocia l’apporti di u « Pensà cumplessu » (Edgar MORIN) è dimostra quant’ella utile a teuria. Palesa dinù quant’ellu ci hè ghjuvore, cù issa turia, à leghje una sucetà per mezu di a literatura chì a rapresenta è argumenteghja cun parechje riferenze (Dostoïevski, Proust, Jane Austen…). Insegna dopu unepochi testi ch’ellu hà sceltu in a literatura corsa da cumpone u corpus di u so studiu (per indettu À i Corsi in generale, Innu Corsu, Chant des Maquisards, Maria Gentile, Pesciu Anguilla, è tanti altri chì ne hà accumpulatu parechje decine pè un studiu minutu. Insegna dopu u risultatu pruvisoriu d’issi travagli (cuntinuati è da cuntinuà di sicuru al dilà d’issa tesa). È cusì si vede spiccà tematiche è mutivi (Literatura di l’abbandonu, istituzione ghjudiziarie, banditu, fordilege, machja, sguardu di u Corsu nantu à sè stessu, , sguardu di u Corsu nantu à l’Altru, valore guerrieru, sensu di l’onore, primura di u sapè è di a cunniscenza, schifu pè a delazione…
Tematiche è mutivi sò ricacciati da a Giustificazione (1746) postu da testu fundatore per l’imaginariu naziunale corsu. L’interrugazione di a ricerca vole vede s’ella affacca una permaneza per sopra i testi, l’epiche è, di sicuru, e lingue è i stili di a spressione literaria. Pè a so demustrazione, GG.TALAMONI seguita, ind’è sta cunferenza, u filu di l’Arme è quellu di a vindetta.

U so studiu, in cunclusione d’issa parte face vede quant’è no simu luntanu da l’idee aggrancate, pronte è leste di i stereutipi abituali in quantu à i Corsi è a so cultura.